BAUCAU, ELEISAUN, HEADLINE, MUNISÍPIU, POLÍTIKA

CNE sei verifika kalendáriu mini kampaña iha Baucau

CNE sei verifika kalendáriu mini kampaña iha Baucau

Diretór CNE Baucau, Esmeraldo Damião Belo. Imajen: Agénsia TATOLI/Natalino Belo.

BAUCAU, 05 marsu 2022 (TATOLI) – Komisaun Nasionál Eleisaun (CNE, sigla Portugés) sei verifika kalendáriu mini kampaña volta daruak hosi ekipa susesu kandidatu Prezidente Repúblika, José Ramos Horta no Francisco Guterres Lu Olo iha munisípiu Baucau.

Diretór CNE Munisípiu Baucau, Esmeraldo Damião Belo hateten, proposta kalendáriu refere tenke submete sedu tanba CNE Baucau sei haruka ba nasionál atu hetan aprovasaun nune’e labele realiza iha fatin no loron hanesan tanba evita perturbasaun ka konflitu entre militante sira iha baze.

“Ami seidauk fahe ba parte seguransa, mídia no observadór sira tanba sei haruka ba nasionál atu verifika no aprova,” Diretór CNE Baucau ba Agência Tatoli iha Vila Nova, kuarta ne’e.

Durante ofisiál supervizaun akompaña kampaña volta dahuluk rejista hosi kandidatura na’in-16 hala’o ho di’ak maibe iha militante balun aproveita situasaun rame atu hamosu konflitu tanba problema pesoál.

Proposta kalendáriu hosi kada ekipa susesu sei realiza maioria hala’o diálogu iha 59 suku iha postu admistrativu neen hanesan Baucau Vila, Baguia, Laga, Quelicai, Vemasse no Venilale ne’ebé sei hahú iha loron 07 to’o 13 marsu 2022.

“Husu ba ekipa susesu na’in-rua bele kontinua mantein pás atu labele kria perturbasaun ka dezintendementu nune’e labele repete tán erru ne’ebé ante akontese ona, tenke prevene ona,” Esmeraldo akresenta.

Jornalista   : Natalino Belo

Editór         : Evaristo Soares Martins

iklan
iklan

Leave a Reply

iklan
error: Content is protected !!