BAUCAU, EKONOMIA, ELEISAUN, HEADLINE, MUNISÍPIU, POLÍTIKA

Administradór husu PR eleitu influénsia Governu prioritiza estrada Baguia

Administradór husu PR eleitu influénsia Governu prioritiza estrada Baguia

Administradór Postu Administrativu Baguia, António Ramos. Imajen TATOLI/Natalino Belo.

BAUCAU, 11 abríl 2022 (TATOLI) – Administradór postu administrativu Baguia, Munisípiu Baucau, husu Prezidente Repúblika ne’ebé eleitu tenke influénsia Governu tau atensaun ba estrada iha Baguia.

“Kandidatu Prezidente Repúblika ne’ebé mak eleitu karik, bele serbisu hamutuk ho Governu nune’e bele hadia ami-nia estrada, atu komunidade sira bele aproveita fa’an produtu lókal no fasilita atividade governu, parseiru no organizasaun nian bele la’o di’ak no susesu,” Administradór Postu Administrativu Baguia, António Rmoas, hateten iha komponente terrestre F-FDTL, Lanud, Baucau, segunda ne’e.

Nia konsidera povu mak sei determina kandidatu Prezidente Repúblika nain-rua iha eleisaun ne’ebé sei realiza iha loron 19 abríl, importante mak prezidente repúblika ne’ebé eleitu presiza kria pás no establidade.

Administradór Postu Administrativu Baguia ko’alia asuntu ne’e tanba durante tinan barak kondisaun estrada iha diresaun Baguia nian grave tebes.

Tanba ne’e nia husu entre kandidatu na’in-rua ne’ebé ida eleitu tenke influénsia Governu hadi’a estrada Baguia.

Notísia relevante: Estrada Laga-Baguia sei konstrui iha 2022

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!