Prizoneiru no Guarda Prizionál hahú ezerse direitu votu

DILI, 19 abríl 2022 (TATOLI)— Prizoneiru na’in- 472 no Guarda Prizionál nain-172 ezerse direitu votu iha Sentru Votasaun iha prizaun Becora, munisípiu Dili.
“Dadur iha prizaun Becora hamutuk-472 ne’ebé partisipa iha festa demokrásia ne’e. Enkuantu iha dadur na’in-13 mak sidadaun estrajeiru no iha na’in-16 maka hanesan dadur ho difisiénsia moras mentál ne’ebé la tuir votasaun,” Diretór Estabelesimentu Prizionál Bekora, João Domingos ba Jornaslita sira iha Prizaun Becora, tersa ne’e.
Notísia relevante: Eleitór na’in-393 vota iha HoREX Baucau
Alende ne’e, nia informa iha guarda prizionál hamutuk 172 makezerse mós direitu votu iha sentru votasaun refere.
Daudaun ne’e, iha dadur feto na’in-haat mak halo hela tratamentu iha hela prizaun Becora, bainhira rekupera bele fila ba iha prizaun Gleno-Ermera.
Entretantu, Diretór João Domingos, hateten hosi fulan janeiru too abríl estabelesimentu prizionál Becora rejista dadur na’in-50 mak hetan liberdade tanba kumpre ona metade hosi pena.
“Sira nain-50 ne’ebé maka hetan liberdade ne’e tanba kumpre ona metade hosi pena ne’ebé mak iha ba sira,” nia akresenta.
Tuir observasaun jornalista Agencia TATOLI iha terenu katak, prizioneiru no guarda prizionál hahú tuku 9:30, dader no hetan seguransa hosi PNTL no akompaña hosi guarda prizionál sira.
Notísia relevante: Dom Virgílio: “sai Prezidente Repúblika tenke bali Konstituisaun RDTL”
Jornalista: Natalino Costa
Editór : Florencio Miranda Ximenes

