iklan

BAUCAU, ELEISAUN, HEADLINE, IMAJEN, MUNISÍPIU, POLÍTIKA

STAE Baucau la autoriza eleitór paralela vota iha sentru votasaun normál

STAE Baucau la autoriza eleitór paralela vota iha sentru votasaun normál

Diretór STAE Baucau, Lúcio Freitas Salvador. Imajen Tatoli/Natalino Belo.

BAUCAU, 19 marsu 2022 (TATOLI) – Sekretariadu Tékniku Administrasaun Eleitorál (STAE) Munisípiu Baucau, la autoriza eleitór ne’ebé rejista iha sentru votasaun paralela atu vota iha sentru votasaun normál tanba Lei Eleitorál ba Prezidente Repúblika la fó dalan.

Diretór Munisípiu STAE Baucau, Lúcio Freitas Salvador, esplika, bazea Lei númeru 15/2021 (Lei Eleitorál ba Prezidente Repúblika)  artigu 31-B, númeru 6 kona-ba lista paralelu ne’e só eziste de’it kapitál nasaun, Dili, nune’e  eleitór sira iha direitu vota de’it iha nasionál.

Totál lista eleitór ne’ebé rejista iha sentru votasaun paralelu iha nasionál hamutuk na’in-4.035 no eleitór ne’ebé rejista sentru votasaun paralelu labele vota iha sentru votasaun normál.

“Ita labele fasilita sira atu vota iha sentru votasaun normál iha Baucau tanba sei viola lei eleitóral ba Prezidente Repúblika, la’ós dehan lakohi ajuda maibé ita fasilita informa atu sira nafatin vota iha sentru votasaun paralelu,” Diretór STAE Baucau hateten iha Vila Nova, tersa ne’e.

Diretór STAE Baucau ne’e akresenta mosu dezintendimentu entre brigadista ho eleitór balun iha sentru votasaun sentrál, suku Bahu, postu admistrativu Baucau Vila, munisípiu Baucau relasiona ho lista eleitór ne’ebé la eziste iha sentru votasaun refere tanba antes ne’e rejsita iha lista votasaun paralelu.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!