iklan

HEADLINE, SEGURANSA

Komandu PNTL aplika sansaun disiplinár ba membru ho inisiál TT

Komandu PNTL aplika sansaun disiplinár ba membru ho inisiál TT

Portavós Komandu Jerál PNTL, Superintendente Xefe Armando Monteiro. Imajen Tatoli/Francisco Sony

DILI, 20 abríl 2022 (TATOLI)— Portavoz Komandu Jerál Polísia Nasionál Timor-Leste (PNTL), Superintendente Xefe, Armando Monteiro, informa, Komandu Jerál PNTL aplika ona sansaun disiplinár ba membru Batallaun Ordem Públika (BOP) ho insiál TT ne’ebé komete insidente ka halo pistola tarutu ámbitu eleisaun prezidensiál iha sentru votasaun Santa-Cruz, iha loron tersa (19/04).

Kazu ne’e akontese tuku 12:30, bainhira okum PNTL ho inisial TT hosi Unidade Batallaun Orden Publiku (BOP), ba ezerse nian direitu iha sentru votasaun, ida iha suku Santa-Cruz, postu administrativu Nain-Feto munisípiu Dili, bainhira atu tama ba sentru votasaun hodi zerse nia direitu votu no rai hela nia arma ba nia kolega.

Maibé, tuir lei membru PNTL ida tenke rai arma metro 25hafoin tama ba sentru votasaun hodi ezerse nia direitu hanesan sidadaun.

Membru BOP ho inisial TT nu’udar membru PNTL antigu, ne’ebé serbí ona PNTL durante tinan 22, bainhira nia tama sentru votasaun atu eserse sira nian direitu, nia entrega arma  ne’e ba  kolega PNTL ne’ebé asegura sentru votasaun refere, hafoin fila mosu eskuidu  ka  la espera tanba pistola ne’ebé nia lori iha kodisaun karega hela.

“Ita nia membru ne’e tenta atu dezkarega fali arma ne’e, maibé fali ba maneira no prosedura utilizasaun arma, maibé labele halo dezkarega no nia hili tiru ba rai,” Portavóz Komandu Jerál PNTL ne’e hateten liuhosi konferénsia Imprensa iha Kuartél Jerál PNTL Caicoli, kuarta ne’e.

Hafoin pistola tarutu, nia dehan halo pániku komunidade ne’ebé parte seguransa iha sentru votasaun informa kedan ba Eskuadra PNTL Na’in-Feto no Komandu Jerál Departementu Operasaun Nasionál tuun hodi asegura kedan membru ne’e.

“Horisehik kedan Komandu Jerál PNTL foti sansaun disiplinár no dezarma kedan hodi submeter ba prosesu disiplinár,” Portavóz ne’e akresenta. 

Notísia relevante:Komandu PNTL sei foti medida hasoru membru BOP ho inisiál TT

Jornalista: Natalino Costa

Editór     : Florencio  Miranda Ximenes

iklan
iklan

Leave a Reply

iklan
error: Content is protected !!