iklan

NASIONÁL, HEADLINE, SEGURANSA

SNI detein sidadaun Indonézia nain-tolu tama ilegál tasi Timór

SNI detein sidadaun Indonézia nain-tolu tama ilegál tasi Timór

Sidadaun Indonézia nain-tolu ho ró tama ilegál iha tasi Timór. Imajen/ SNI

DILI, 22 abríl 2022 (TATOLI)— Vise Ministru Interiór, António Armindo, informa Servisu Nasionál Intelijénsia (SNI,sigla portugés), detein sidadaun Indonézia nain-tolu tanba ho ró tama ilegál tasi Timór.

Kazu ne’e akontese kinta (21/04), tuku 12:00, meudia,bainhira SNI simu informasaun hosi komunidade  área Dolok-oan, munisipiu Dili-nian katak sidadaun Indonézia nain-tolu tama ilegál iha tasi-Timór.

Nune’e, SNI halo kedan detensaun no identifikasaun ba sidadaun Indonézia nain-tolu ho inisál PA, IR no Wy.

Vise-Ministru Interiór, António Armindo. Imajen Tatoli/Francisco Sony

“Sidadaun Indonézia nain-tolu ne’ebé SNI ka’er ne’e iha área Dolok-oan sira hosi Indonézia ho nia-intesaun atu ba buka serbisu iha Austrália, maibé sira tama fali-mai tasi Timor. Nune’e ita nia SNI simu informasaun halo kedan detensaun no idetifikasaun ba ema nain-tolu,” Vise Ministru Interiór ne’e hateten ba Jornalista sira iha kna’ar fatin Vila-Verde, sesta ne’e.

Daudaun, sidaudaun Indonézia na’in-tolu presta hela deklarasaun iha Servisu Imigrasaun tuir lei migrasaun

“Hafoin ita sei koordena ho Embaixada Indonézia hodi deporta sira ba fali Indonézia,’’ nia afirma.

Jornalista: Natalino Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!