BOBONARO, EKONOMIA, HEADLINE, IMAJEN, MUNISÍPIU

DSMKRN Bobonaro rekolla reseita rihun hitu iha trimestre dahuluk

DSMKRN Bobonaro rekolla reseita rihun hitu iha trimestre dahuluk

Diretór Servisu Munisipál Konservatóriu Rejistu Notariadu Munisípiu Bobonaro, Joao Mau-Pelu. Imagen Tatoli/Sérgio da Cruz.

BOBONARO, 03 maiu 2022 (TATOLI) – Diresaun Servisu Munisipál Konservatóriu Rejistu Notariadu (DMKSRN) munisípiu Bobonaro, rekolla reseita rihun hitu ba kofre estadu iha trimestre dahuluk liuhosi atividade atendimentu pasaporte.

“Iha trimestre dahuluk ne’e ami hatama reseita ba kofre estadu hamutuk rihun hitu, montante ne’e kontibui mai hosi aplikante pasaporte hamutuk na’in-140, pasoporte ida ho nia folin $50 ” Diretór DMKSRN Munisípiu Bobonaro, João Mau-Pelu, informa Tatoli, iha kna’ar-fatin, tersa ne’e.

Nia haktuir, iha tinan hirak liubá, atendimentu ba pasaporte kategoria tolu kompostu hosi normál kustu $50 ho nia prosesu loron 10, pasaporte loron tolu ho kustu $75 no pasporte urjente $100 loron ida foti kedas.

Maibe dezde 2021 to’o agora só bele halo de’it atendimentu ba komunidade ne’ebé hakarak trata pasaporte normál ho valór $50 dolar tanba serbisu balun iha mudansa.

“Sira-ne’ebé urjente ne’e ita labele atende, entaun sira mai ita haree dukumentu kompletu haruka sira rasik ba trata rasik iha Dili,” nia akresenta.

Diretór ne’e subliña, maske kada tinan DSMKRN Bobonaro kontribui reseita ba kofre estadu, maibé dezde tinan kotuk hetan alokasaun orsamentu hosi nasionál menus inklui tinan ne’e iha trimestre dahuluk mós seidauk hetan alokasaun hosi governu ho razaun osamentu ne’e uza fali eleisaun Prezidensial períodu 2022-2027.

“Trimestre ida kotuk ne’e la sura tiha dehan atendimentu la’o nafatin buat ne’ebé mak ministériu fó mai, maske ami nune’e ami nafatin utiliza orsamentu ba sasán sira hola hela iha tinan kotuk nafatin uza ho rigoroju oituan atu labele gasta,” nia hateten.

Nia dehan, foin lalais ne’e mak hetan alokasaun orsamentu hosi nasionál ho montante $1,600 ba trismestre daruak nian hodi gasta nesesidade diresaun nian inklui kustu viajen ba funsionariu sira ne’ebé hala’o viajen lokál.

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!