HEADLINE, JUSTISA

TDD julga Diretór Prizaun Gleno tanba deskonfia komete krime abuzu konfiansa  

TDD julga Diretór Prizaun Gleno tanba deskonfia komete krime abuzu konfiansa  

Logotipu TDD. Imajen Tatoli/Dok.

DILI, 03 maiu 2022 (TATOLI)— Tribunál Distritál Dili (TDD), tersa (03/5) ne’e, halo julgamentu ba árguidu NMS ne’ebé nu’udar Diretór Estabelesimentu Prizonál Gleno, munisípiu Ermera tanba deskonfia komete krime abuzu konfiansa gravadu hasoru dadur ka lezadu AM.

Iha loron 23 abríl 2013, lezadu AM nu’udar dadur ne’ebé muda husi prizaun Becora ba fali prizaun Gleno tanba tuir regulamentu prizaun nian kuandu dadur ida too iha prizaun tenke entrega sasan ba iha guarda prizioneiru sira.

Kazu hanesan mós lezadu AM rasik bainhira nia too iha prizaun nia tenke hasai tiha nian sasan hanesan sintu ho folin $300, Ipad ho folin $700, livriñu tolu inklui dokumetu importante balun ba  Guarda Prizioneiru sira.

Iha outobru 2014, lezadu AM ne’ebé nu’udar dadur iha prizaun Gleno ejize ba arguidu NMS nu’udar Diretór Estabelesimentu Prizionál Gleno atu entrega fali ba sasan ne’ebé nia foti antes ne’e, maibé arguidu NMS entrega de’it osan ba lezadu ho montante $240.

Maibé, sasan seluk la konsege entrega ho razaun katak sasan sira ne’ebé momentu arguidu foti hanesan sintu no sasan seluk  tanba ho razaun regra bandu  atu fó fila  tanba liu ona  tinan rua no ho ida ne’e tenke sunu.

Iha loron 6 novembru 2017, lezadu AM ne’ebé dadur mesak iha sala vizita prizaun Gleno Arguidu NMS dehan ba lezadu katak: “ita bo’ot hakarak sai hosi prizaun ne’e ka lae?, se hakarak sai hosi prizaun ne’e, entaun lalika sisi fali ita bo’ot nia sasan sira ne’e.  Antes ne’e ha’u haruka Guarda prizioneiru foti ne’e karik ita bo’ot keixa kestaun ne’e ba tribunál ha’u prontu hatan,” sita iha akuzasaun MP ne’e. 

Nune’e, iha loron 7 novembru 2017, lezadu halo krime hasoru Arguidu atúal Diretór Estabelesimentu Prizaun Gleno no iha momentu ne’e kedan Xefe Operasionál Prizaun Gleno, Manuel de Deus ba loke lezadu nia odamatan hodi transfere fali lezadu hosi prizaun Gleno mai fali iha prizaun Becora hodi hatama kedas lezadu ba sela Bloku C ne’ebé hanaran bloku altu tanba konsidera halo krime foun iha prizaun laran.

Ho hahalok arguidu nian ne’e, Mistériu Públiku promove NMS ho krime abuzu konfiansa gravadu ne’ebé previstu iha artigu 257.

Liuhosi julgamentu ne’e, Ministériu Públiku husu ba lezadu AM hodi konfesa parsiál ba tribunal kona-ba faktu sira ne’ebé provadu iha akuzasaun Ministériu Públiku.

Entretantu, Arguidu arguidu NMS nuudar atuál Diretór Estabelesimentu Prizionál Gleno rejeita laiha koiñesimentu kona-ba lezadu AM nia sasan ne’ebé komprova iha faktu sira iha akuzasaun tuir MP nian.

Alende ne’e, Ministériu Públiku husu ba tribunál atu aplika pena ne’ebé tuir tribunál nia konviksaun ba arguidu NMS.

Maibé, parte Defeza husi arguidu NMS nian husu ba tribunál atu absolve arguidu NMS hosi krime ne’ebé Ministeriu Públiku atribui ba nia-kliente.

Hafoin rona parte hotu, juiz ne’ebé ka’er  kazu ne’e halo adiamentu julgamentu ba fali loron 18 maiu, tuku 17:00, hodi halo desizaun ikus.

Audénsia julgamentu prezide husi Juis Koletivu, Afonso Carmona, Erçilia de Jesus no Evangelino Bello, Ministériu Públiku reprezenta husi Prokuradór Simõe Brites, arguidu hetan asisténsia legál hosi Defensór Públiku, Humberto dos Santos Alves.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!