BOBONARO, DESPORTU, HEADLINE, IMAJEN, MUNISÍPIU

Jogu sub-23 iha Maliana, Soboai tebe-sai Focadioma hosi grupu B

Jogu sub-23 iha Maliana, Soboai tebe-sai Focadioma hosi grupu B

Ekipa klubu Soboai no Focadioma lansa hela kontra atake ba malu iha kampu futeból Maliana. Imajen Tatoli/Sérgio da Cruz.

BOBONARO, 17 maiu 2022 (TATOLI) – Ekipa jogadór hosi klubu Soboai susesu tebe-sai ekipa Focadioma hosi grupu B ho rezultadu 2-1 iha kompetisaun jogu futeból sub-23 iha Maliana époka 2022 nian.

Kompetisaun jogu futeból sub-23 époka 2022 ne’e tama ona ba loron dahaat, ne’ebé realiza iha kampu Futeból Maliana, tersa ne’e, klubu Soboai hosi suku Oe-leu, postu administrativu Bobonaro susesu tebe-sai ekipa adversáriu Focadioma ho rezultadu 2-1 iha faze grupu B, nune’e Focadiona tenke fila ba uma, suku Tapo-Memo tanba jogu tuituir malu nunka manán. Iha grupu B ne’e hela de’it klubu Soboai no Maliana United.

Klubu Soboai hatais farda metan halo kontra ataka hasoru ekipa Focadioma ne’ebé hatais farda azúl iha kampu futeból Maliana. Imajen Tatoli/Sérgio da Cruz.

Iha menutu dahuluk ekipa rua lansa kontra ataka, Soboai mai ho modelu jogu bola-aas, Focadioma jogu lais modelu ofensivu, maibé jogu la’o de’it menutu rua Focadioma fó kedas presaun tuituir malu hodi sobu defeza aversáriu, nune’e jogu foin la’o de’it minutu lima Marito (19) susesu fera uluk guarda rede 1-0.

Ho golu ne’e, ekipa klubu rua ne’e fó presaun ba malu, maibé Soboai mós forte liu tanba Selagio Sequeira (99) lansa amesa barak ba rede Focadioma maibé la kona alvu, ho presaun ne’e halo ekipa Soboai badinas liután buka bola atu responde golu ida.

Nune’e ambisaun hirak-ne’e konsege hatudu iha menutu 27 tanba Artur Soares (10) konsege lees golu ida ba rede Focadioma hodi muda rezultadu ba 1-1. Ho rezultadu ne’e termina primeira parte.

Tama ba segunda parte, ambiente kampu laran manas liután no adeptu sira hosi klubu rua haklalak hodi fó apoia ba sira-nia ekipa.

Ho motivasaun hosi adeptu sira, halo ekipa rua hasa’e tán ritmu jogu, fó presaun ba malu iha menutu 45 maibé ameasa hirak-ne’e la akontese golu ruma.

Nune’e treinadór Focadioma muda fali estratéjia, halo mudansa jogu bola-rai ho intesaun atu hamate Sobai nia jogu, maibe ekipa Sobai mós nafatin forte hodi la fó poortunidade ba Focadioma atu lansa sutu livre barak.

Ho presaun hirak-ne’e halo ekipa Soboai tenke lakon enérjia barak tanba Focadioma jogu modelu lais iha liña karuk no loos, maibe haree ba kbiit joagadór Sobai menus nune’e iha menutu 50 obriga treinadór Vitorino Gusmao tenke dada sai avansadu Artur Soares (10) subtitui fali Justino (9) orienta nia atu soe bola barak avansadu Selagio Sequiera (99), maibé avansadu refere la konsege hetan bola barak tanba defeza metin liu.

Nune’e trinadór Vitorino konsege sobu fali joagdor sira iha parte karuk dada-sai tán joagdor Jaime (30) subtitui António (7). Ho prezensa jogadór ne’e konsege hamoris fali ekipa sira-nia votande sobu jogu Focadioma hodi  fó presaun ba ekipa advesáriu nune’e liu de’it minutu 72 António (7) susesu lees golu ida liuhosi sutu livre, fora hosi grande área hodi muda rezultadu ba 2-1.

Ho rezultadu ne’e vitoria ba Soboai no Focadioma tenke simu konsekuénsia lakon dala-rua tanba derrota kontra Maliana United (MU) 3-0 nune’e obrigatoriu tenke fila ba nia uma suku Tapo-Memo.

Biban ne’e Treinador Soboai, Vitorino Gusmao, sente kontente ho rezultadu ne’e tanba maski mai hodi postu administrativu dook bele gaña vitória hasoru ekipa sira iha vila.

“Ba oin, ha’u sei hadi’ak liután ami-nia jogu, tanba ohin loron-manas loos, jogador sira lakon enérjia barak, ne’e duni ha’u sei haka’as sira treina fíziku makas liután atubele forte iha jogu tuir mai kontra Maliana United,” nia heteten.

Jogu ne’e lidera hosi árbitru Jefrianos Loy Maya dos Santos, asistente primeiru Lucas Feliz, segundu Perregrinho dos Reis no árbitru suplente Domingos Vicente.

Notísia relevante: Jogu sub-23 iha Maliana, Jalagovi manán mihis Monumentu FC

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!