EKONOMIA, HEADLINE, IMAJEN, MUNISÍPIU, OÉ-CUSSE (RAEOA)

RAEOA prodús Batar tonelada 6,687 iha époka 2022

RAEOA prodús Batar tonelada 6,687 iha époka 2022

Imajen espesial.

OÉ-CUSSE, 17 maiu 2022 (TATOLI) – Rezultadu finál ba produsaun plantasaun Batar époka 2022 iha Rejiaun Administrasaun Espesiál Oé-Cusse Ambeno (RAEOA) hetan de’it tonelada 6,687, hatudu produsaun menus kompara ho rezultadu époka 2021 nian.

“Rezultadu tinan ne’e menus, ita prodús de’it tonelada 6,687 ba plantasaun Batar iha territóriu Oé-Cusse, rezultadu ne’e ita kompara ho tinan 2021, produsaun batar sa’e maka’as hetan tonelada 10,696,” Sekretáriu Rejionál ba Asuntu Agrikultura, José Eta, hateten iha Oé-Cusse, tersa ne’e.

Iha 2021 rezultadu produsaun Batar tonelada 10,696 ho área kolleta ektare 6,567 envolve agrikultór hamutuk 14,046 mak hala’o serbisu iha to’os, maibé iha tinan 2022 ne’e rezultadu produsaun batar tonelada 6,687 ba área kolleta ektare 5,430 no envolve agrikultór na’in-11,231 de’it

Rezultadu produsaun tún maka’as iha suku haat, sub-rejiaun Pante Makasar iha suku Taiboko, sub-rejiaun Oésilo iha suku Bobometo, iha sub-rejiaun Pássabe iha suku Abani no Malelat.

“Razaun prinsipál pridusaun tún tanba númeru agrikultór menus, impaktu udan-been barakliu, atakasaun peste lakataru, inklui fini hibrida entaun afeta ba área kultivu no área kolleta ne’e menus.

Nia relata, fini ne’ebé diresaun agrikultura distribui ba agrikultór sira uza hanesan, fini hibrida kuaze fulan rua ona bele prodús, maibé udan-been barakliu afeta, nune’e la konsege fó isin di’ak ba plantasaun Batar.

Purtantu, suku haat nia produsaun menus maka hanesan iha suku Taiboko époka 2021 rezultadu produsaun tonelada 2,201, iha époka 2022 hetan de’it tonelada 502, suku Bobometo époka 2021 hetan tonelada 3,294 maibé époka 2022 hetan de’it tonelada 909.

Nune’e mós iha sub-rejiaun Pássabe iha suku Abani époka 2021 hetan tonelada 761 no tinan ne’e hetan de’it tonelada rua (2), iha suku Malelat 2021 hetan tonelada 1,075 maibé tinan ne’e hetan de’it tonelada ida (1).

Entretantu, kona-ba rezultadu ba produsaun plantasaun hare nian, daudaun ne’e prosesu kolleta sei kontinua la’o, tanba agrikultór balu seidauk finaliza, nune’e rezultadu sei fó-sai iha tempu badak bainhira remata kolleta.

Jornalista   : Abílio Elo Nini
Editór         : Evaristo Soares Martins

iklan
iklan

Leave a Reply

iklan
error: Content is protected !!