iklan

HEADLINE, SEGURANSA

PNTL detein autór nain-21 ne’ebé envolve konfrontu iha Aitarak-laran

PNTL detein autór nain-21 ne’ebé envolve konfrontu iha Aitarak-laran

Portavoz Komando Jerál PNTL, Superentendente Xefi, Armando Monteiro. Imajen Tatoli/Francisco Sony

DILI, 31 maiu 2022 (TATOLI)— Komandu Polisia Nasionál Timor-Leste (PNTL), munisípiu Dili liuhosi Eskuadra Dom-Aleixo, segunda (30/05), konsege detein joven na’in-21 ne’ebé deskonfia sai autór ba konfrontu iha área Aitarak-laran, Dili.

Konfrontu ne’e akontese iha área Aitarak-laran, maizumenus tuku 22:00, kalan, tanba deskonfia envolve membru Grupu Arte Marsiál 77 ho joven sira iha área refere mak ataka ka tuda malu, maibé la rezulta ema kanek.

“Situasaun semana ne’e hakmatek, maibé iha loron  segunda (30/5), kalan  mosu perturbasaun, ka konfrontu ka ataka malu liuliu tuda malu hosi  joven balun no envolve grupu ne’ebé joga billiard iha área Aitarak-laran, ne’ebé  kazu ne’e deskonfia envolve hosi organizasaun Arte Ritual 77. Maibé la rezulta ema kanek tanba ita nian PNTL Eskuadra Dom-Aleixo halo kedan intervensaun,” Portavóz Komandu Jerál Polísia Nasionál Timor-Leste (PNTL), Superintendente Xefe Armando Monteiro hateten liuhosi konferénsia imprensa ne’ebé halao iha Komandu Jerál PNTL Caicoli,tersa ohin

Hafoin akontesementu ne’e, nia dehan Komandu PNTL Dili halo detensaun ba joven nain-21 ne’ebé halo deskonfia autór ba perturbasaun seguransa iha tempu kalan.

“Agora daudaun PNTL Dili detein suspeitu nain-21 iha hela sela Komandu PNTL Dili nian hodi hein prosesu investigasaun,” Protavóz ne’e afirma.

Nune’e, nia husu ba joven sira iha kapitál Dili atu hala’o atividade ne’ebé maka diverte aan hanesan joga karta no tiru billiard laiha ema bandu, maibé tenke kontribui ba pás no estabilidade.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!