iklan

HEADLINE, SEGURANSA

PNTL seidauk deteta autór sona mate António de Jesus iha Elemloi

PNTL seidauk deteta autór sona mate António de Jesus iha Elemloi

Portavoz PNTL, Superintendente Xefe, Armando Monteiro. Imajen Tatoli/Eugénio Pereira

DILI, 31 maiu 2022 (TATOLI)— Polísia Nasionál Timor-Leste seidauk deteta suspeitu sona mate António de Jesus, iha segunda (7/2), tuku 3:00, matrugada, iha área Elemloi, aldeia Delta 3, suku Comoro, postu administrativu Dom Aleixo, Munisipiu Dili.

“Suspeitu ba kazu omesídiu ne’e seidauk hetan, maibé PNTL kontinua halo nia serbisu liuhosi serbisu intelejénsia no Polisia Ofisiál Suku (OPS)  hodi kontinua buka tuir suspeitu  ne’e,” Portavóz Komandu Jerál (PNTL), Superintendente Xefe  Armando Monteiro, hateten ba jornalista sira liuhosi konferénsia imprensa ne’ebé hala’o iha Komandu Jeral PNTL Caicoli-tersa ne’e.

Notísia relevante:  PNTL kontinua buka tuir autór sona mate António de Jesus iha Elemloi

Daudaun ne’e, PNTL hein delegasaun kompeténsia hosi Ministériu Públiku (MP) atu kontinua prosesu investigasaun ba kazu omesídiu ne’e.

“Kazu ne’e la pendente tanba PNTL finaliza ona prosesu investigasaun no aprezenta ona bá Ministériu Publiku. Nune’e ita hein delegasaun kompeténsia atu kontinua fali kazu ne’e,”  nia esplika.

Maske, Portavóz ne’e dehan  hein delegasaun kompeténsia hosi MP, maibé PNTL liuhosi serbisu informasaun polísia kontinua koleta informasaun sira atu nune’e bele  identifika suspeitu hodi nia  bele responsabiliza nia  atus  krime ne’ebé maka nia komete.

Notísia relevante:  Kazu hamate António, PNTL halo identifikasaun ba ema nain-11

Jornalista: Natalino Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!