iklan

EKONOMIA, HEADLINE

SEA husu instituisaun relevante aplika prosedimentu rigór ba importasaun karreta

SEA husu instituisaun relevante aplika prosedimentu rigór ba importasaun karreta

Sekertáriu Estadu Ambiente, Demétrio de Amaral do Carvalho. Imajen/Egas Cristóvão

DILI, 09 juñu 2022 (TATOLI)–Sekretáriu Estadu Ambiente, Demétrio do Amaral de Carvalho, husu ba instituisaun relevante atu aplika presedimentu rigór ba importasaun karreta, nune’e labele fó risku ba meiu ambiente.

“Ita hatene karreta ne’ebé agora fa’an iha ita-nia rai hanesan loos fa’an rebusadu iha merkadu, tanba ne’e husu ba parte relevante tenki hasa’e taxa ba importasaun karreta, maibé infelizmente la halo no parte konsellu ne’ebé importa karreta ne’e hateten deit katak ita-nia problema transporte públiku ne’e presiza halo intervensaun, tanba mobilizasaun karreta barak fó ameasa mós ba meiu ambiente liga ho asuntu ‘Eskola Matak’,” Sekretariu Estadu Ambiente hateten iha resintu Eskola Santa Madalena Canossa, kuarta ne’e.

Notísia relevante: Alfándega sujere MTK halo revizaun dekretu-lei importasaun veíkulu

Nia dehan, Governu presiza aplika rigór prosedimentu importasaun hodi haree ba karreta nia tinan produsaun  mai Timor-Leste, tanba liga ba ambiente matak no iha konseitu ba transporte sustentável. 

“Prinsípiu tolu ne’ebé importante aplika ba transporte sustentável mak zero ba poluisaun hosi transporte, zero ba fatalidade asidente iha setór transporte, no zero konjunsaun ka zero engarafamentu,” nia akresenta.

Nune’e, governante ne’e nota katak ikus mai númeru karreta barak, tanba ne’e tenki limita liuhosi aplikasaun taxa importasaun sira, atu nune’e ema la fa’an karreta barak ona.

“Tuir dekretu-lei ida ha’u lembra, ita labele importa karreta produsaun tinan-lima mai kraik, nune’e espera instituisaun relevante bele aplika ho rigór prosedimentu importasaun karreta atu labele autoriza karreta sukata sira tama, satán karreta besi pezadu tiha mak hodi mai fa’an,” nia tenik.

Antes ne’e, parte Aldándega sujere ona ba Governu liliu Ministériu Transporte no Komunikasaun (MTK) hodi halo revizaun ba Lei númeru 30/2011 kona-ba kondisaun no prosedimentu atu observa relativamente importasaun veíkulu, tanba konsidera la adekuadu ona ho situasaun atuál.

Jornalista : Arminda Fonseca

Editora     : Julia Chatarina

iklan
iklan

Leave a Reply

iklan
error: Content is protected !!