iklan

EKONOMIA, HEADLINE

SJB la konsege ezekuta fundu hosi programa estímulu empreendedorizmu

SJB la konsege ezekuta fundu hosi programa estímulu empreendedorizmu

Xefe Interinu ba Sentru Juventude Becora, Flavio Sebastião da Costa. Imajen/Hortencio Sanchez

DILI, 29 juñu 2022 (TATOLI)— Xefe Interinu ba Sentru Juventude Becora, Flavio Sebastião da Costa, informa la konsege ezekuta fundu hosi programa estímulu empreendedorizmu ba juventude kriativu iha suku sira tanba impaktu hosi pandemia COVID-19.

“Durante prosesu sira ne’e la’o iha 2021 mosu konfinamentu obrigatoriu ba surtu Covid-19 nian entaun dada tempu atu halo asesmentu ba grupu sira iha baze ne’e, servisu hotu ami halo tia maibé tanba de’it tarde uitoan tuir data ne’ebé Sekretáriu Estadu Juventude no Desportu (SEJD) fó sai, entaun gabinete SEJD bolu ami halo enkontru dehan sentru Becora labele ezekuta nia atividade tanba deadline liu, tuir akordu ne’ebé iha tenke fó fila osan ba kofre Estadu,” Flavio hateten ba  Agência TATOLI iha edifisiu SJB, kuarta ne’e.

Notísia relevante:  SEJD apoia fundu ba grupu joven kreativu 408 iha territóriu nasionál

Benefisáriu ba fundu liuhosi programa estímulu empreendedorizmu ne’e hamutuk 27, maibé labele ezekuta-sira nia atividade tanba pandemia globál.

“Ho nune’e, mak agora ami iha hela prosesu tranferénsia osan ba kofre Estadu nian no osan ne’e ami seidauk gasta. Ami sei fó fila kompletu,” nia afirma.

Iha janeiru 2021, Governu lansa Programa estímulu empreendedorizmu ba grupu joven kreativu iha suku no estabelese ekipa avaliasaun iha jullu ho deadline iha outubru no novembru, maibé SJB halao asesmentu iha agostu nia klaran ne’ebé afeta labele ezekuta fundu ne’e.

“Deadline Governu nian tenke ramata iha fulan outubru 2021, maibé ami nian hotu fali iha janeiru 2022 nia laran entaun ami labele,” nia dehan.

Antes ne’e, SEJD transfere orsamentu ho montante $27.000 ba konta Sentru Juventude Becora.

Postu Administrativu ne’ebé toma konta hosi Sentru Juventude Becora (SJB) hamutuk tolu mak hanesan Metinaro, Cristo Rei no Ataúro.

Notísia relevante:  SEJD presiza habelar programa apoia fundu ba grupu joven kreativu

Jornalista: Hortencio Sanchez   

Editór      : Florencio Miranda Ximenes

iklan
iklan

Leave a Reply

iklan
error: Content is protected !!