iklan

BAUCAU, EKONOMIA, HEADLINE, MUNISÍPIU

Uma-kain sia iha Ossoala prenxe kritéria simu UKL

Uma-kain sia iha Ossoala prenxe kritéria simu UKL

Xefe Suku Ossouala, postu administrativu Vemasse, munisípiu Baucau, Filipe Xavier Correia. Imajen Tatoli/Natalino Belo.

BAUCAU, 27 juñu 2022 (TATOLI) – Uma-kain sia iha suku Ossoala, postu administrativu Vemasse, munisípiu Baucau, prenxe kritéria Programa Nasionál Dezenvolvimentu Suku (PNDS) sai nu’udar benefisiáriu ba Uma Kbiit Laek (UKL) tinan 2022 nian.

Xefe suku Ossouala, Filipe Xavier Correia, esplika, prosesu verifikasaun finaliza ona tanba xefe família na’in-sia ne’e prenxe kritéria sai benefisiáriu nune’e iha ona faze kuotasaun no tuir planu sei hahú konstrusaun iha fulan-agostu.

“Ita hili inan no aman faluk sira-ne’ebé laiha kapasidade atu konstrui sira-nia uma, sira mak iha direitu atu hetan Uma Kbiit Laek,” Xefe suku Ossoala hateten iha Sentru Konvensaun Baucau (CCB, sigla portugés), Vila Antiga, segunda ne’e.

Ekipa ne’ebé halo verifikasaun komposta hosi autoridade suku, xefe aldeia alvu, Ofisiál Polísia Suku (OPS) no veteranu, deside benefisiáriu na’in-sia hosi aldeia aldeia Cai-denulale, Uma-ana Iku no  Heine-uai.

Hosi benefisiáriu na’in-sia ne’e hetan UKL ho medida metru 48 ne’ebé kada uma sei aloka orsamentu $17.000 nune’e totál orsamentu UKL ba suku Ossoala hamutuk $153.000-resin.

Suku Ossoala iha aldea lima mak hanesan Cai-denulale, Heine-uai, Lolinunu, Uai-khanasa no Uma-ana Iku ho totál populasaun hamutuk 2.366 hosi uma-ka’in 103.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!