iklan

HEADLINE, JUSTISA

DNSRN arrekada reseita $861,550 ba kofre Estadu

DNSRN arrekada reseita $861,550 ba kofre Estadu

Diretór Jerál Servisu Rejistu Notariadu-Ministériu Justisa, Crisogno da Costa Neto. Imajen Tatoli/Francisco Sony

DILI, 29 juñu 2022 (TATOLI)— Diresaun Nasionál Serbisu Rejistu Notariadu (DNSRN), ne’ebé tutela ba Ministériu Justisa (MJ), hahú hosi janeiru too maiu tinan, konsege arrekada reseita ba kofre Estadu hamutuk $861,550.00.

“Ita rekolla reseita $861,550.00, liuhosi serbisu rejistu ka atendimentu pasaporte bainbain, pasaporte serbisu no diplomátiku-nian,” Diretór Jerál Servisu Rejistu Notariadu, Crisogno da Costa hateten ba jornalista sira iha nia kna’ar fatin Colmera, kuarta ne’e.

Diretór ne’e informa, ekipa notariadu kontinua halo atendimentu liuliu halo produsaun ba pasaporte ne’e hahú hosi segunda too dominggu.

“Iha oráriu normál ne’e mínimu kada loron,  ami simu ema 120, maibé foin dadauk ne’e ultrapasa tiha ida ne’e tanba kada-loron atende ema na’in-280, nune’e ami deside fó atendimentu iha sábadu no dominggu ho oras servisu to’o kalan, ” nia informa.

Maibé, nia dehan, hafoin Polisia Siéntifika Invetigasaun Kriminál (PCIC, sigla portugés) halo tiha detensaun ba na’in ajénsia viajen sira maka atendimentu pasaporte ne’e hahú menus ona.

Alende ne’e, nia dehan, iha semana kotuk pasaporte hamutuk 545 mak metin iha sistema laran tanba mákina avaria, maibé ekipa information technology (IT) konsege resolve ka hadi’a sistema ne’e.

“Tanba ne’e, ami husu ba kliente sira ne’ebé mak pasaporte suspende iha semana kotuk bele mai lori resibu pagamentu hodi foti pasaporte,” nia afirma.

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!