iklan

EKONOMIA, HEADLINE

UNICEF apoia ekipamentu ba DGE utiliza iha sensu populasaun 2022

UNICEF apoia ekipamentu ba DGE utiliza iha sensu populasaun 2022

Vise-Ministru Finansa, António Freitas hamutuk ho Reprezentante UNICEF iha Timor-Leste, Bilal Aurang Zeb Durrani, troka termu entrega ekipamentu Capi, iha Diresaun Jerál Estatístika, Caicoli, kuarta (29/06). Imajen Tatoli /Egas Cristóvão

DILI, 29 juñu 2022 (TATOLI)–Fundu Nasaun Unida ba Labarik (UNICEF, sigla inglés), kuarta ne’e, entrega apoia Capi ka tableta hamutuk 280 ba Governu liuhosi Diresaun Jerál Estatístika (DGE, sigla portugés), Ministériu Finansa (MF).

Vise-Ministru Finansa, António Freitas, hateten, ekipamentu Capi ka tableta ne’e apoia ba DGE hodi utiliza iha implementasaun sensu populasaun 2022 ne’ebé sei realiza iha loron 04 setembru tinan ne’e.

“Sensu 2022 ne’e ita muda ona hosi sistema manuál ba dijitál, normalmente uza de’it kestionáriu. Atu dehan Diresaun Jerál Estatístika nu’udar instituisaun Estadu dahuluk uza ona dijitál liuhosi Capi. Tanba ne’e maka ita simu apoia 280 Capi hosi UNICEF,” Vise Ministru hateten hafoin simu fasilidade dijitál sira ne’e iha edefísiu DGE, Caicoli.

Notísia relevante: Governu estabelese estutura responsável realiza Sensu Populasaun 2022

 Ho apoia fasilidade dijitál hosi parseiru sira ne’e, iha implementasaun sensu populasaun 2022 ne’e 80% uza ona Capi, enkuantu área sira ne’ebé seidauk bele utiliza fasilidade ne’e sei kontinua ho kestionáriu.

Nune’e, governante ne’e kompromete mós katak, Governu liuhosi Ministériu Finansa (MF) daudaun prevee ona atu sosa tan tableta, tanba ne’e molok realiza sensu refere garante katak fasilidade sira ne’e kompleta ona.

Iha biban hanesan, Reprezentante UNICEF iha Timor-Leste, Bilal Durrani, konsidera apoia ne’e nu’udar oportunidade di’ak tanba labkleur tan Timor-Leste sei realiza sensu populasaun.

“Ida-ne’e hanesan primeiru dijitál siénsia ida ne’ebé bele garante ita bele halo kolesaun ba transferénsia dadus ho lalais no di’ak.  UNICEF sempre prontu atu apoia Governu halo kolesaun ba dadus, no analiza ba dadus,” Bilal Durrani tenik.

Reprezentante ne’e konsidera, fasilidade ne’e di’ak tebes hodi kolleta dadus ho transparánsia, aleinde ne’e ekipamentu ida ne’ebé di’ak no pertinente ba labarik sira uza .

Jornalista  : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!