iklan

HEADLINE, JUSTISA

PNSIK-Alfándega entrega hikas karreta ho kondisaun “aat” ba importadór sira

PNSIK-Alfándega entrega hikas karreta ho kondisaun “aat” ba importadór sira

Diretór Nasionál Operasaun Autoridade Aduaneriu (AA/Alfándega), Armindo Dos Santos. Imajen/Hristo Alves Dos Santos

DILI, 30 juñu 2022 (TATOLI)— Polisia Nasionál Servisu Investigasaun Kriminál (PNSIK) no Autoridade Aduaneiru (AA/Alfandega), kinta ne’e, entrega hikas karreta ho kondisaun aat ba empreza importadór sira ne’ebé hatama hosi Austrália mai Timor-Leste.

PNSIK ho AA/Alfandega entrega karreta hirak ne’e ho baze ba despaisu hosi Prokuradór Jerál Distritál Dili ho Númeru Úniku Kriminál (NUC) 0112/PNSIK/2022.

Notísia relevante:  Kazu importasaun veíkulu, PNTL submete rezultadu investigasaun ba MP

“Ami ho PNSIK hasai police line ba kareta sukata sira ne’ebé maka iha fulan-maiu PNSIK halo apreensaun iha portu Dili, tanba iha ona despasu hosi Prokuradoria Jerál Distritu Dili ho NUC  0112/PNSIK/2022, katak liberta totalmente karreta hamutuk 140. Tanba karreta hirak ne’e kompañia sira importa liuhosi baze legál ka baze ba karta lisensa,” Diretór Nasionál Operasaun Alfándega Armindo Dos Santos, hateten ba jornalista sira, iha Portu Dili, kinta ne’e.

Autoridade polisiál ho Alfandega entrega karreta hamutuk 140, kompostu hosi karreta ne’ebé soke ka hetan ona asidente tráfegu hamutuk 97 no kondisaun di’ak 43.

Karreta hirak ne’e entrega ba kompañia importadór hanesan Buonogirno Unip.Lda, BQ Tech Motor And Automoveis Unip.Lda, Alokanesi Unip. LDA, Marlvi Unip.Lda, Zenistan Henry,Unip. LDA, Alfamor Unip. LDA.

Hafoin entrega, Diretór ne’e dehan, kompañia importadór sira bele halo ona prosesu administrativu hodi hasai tiha karreta hirak ne’e tanba para iha portu Dili kuaze fulan-ida ona.

Nia husu Governu presiza hadi’a prosesu importasaun ka merkadoria liuliu importa karreta sira ne’ebé maka kondisaun ladiak sira ne’e hodi ba oin halo importasaun tenke prense rekezitu tuir dekretu-lei 30/2011 kona-bá kondisaun karreta.

“Ita hein alterasaun lei ne’e hosi Konsellu Ministru atu regula importadór sira hatama veíkulu liu tinan produsaun no importa karreta kodisaun ladi’ak sei la tolera,” nia afirma.

Notísia relevante:  Semana oin, KM diskute proposta revizaun dekretu-lei importasaun veíkulu

Jornalista: Natalino Costa

Editór     : Florencio Miranda Ximenes

iklan
iklan

Leave a Reply

iklan
error: Content is protected !!