iklan

HEADLINE, MUNISÍPIU, VIQUEQUE

Cruz Vermella Viqueque apoia emerjénsia vítima inundasaun iha Viqueque vila

Cruz Vermella Viqueque apoia emerjénsia vítima inundasaun iha Viqueque vila

Ofisiál hosi Cruz Vermella munisípiu Viqueque entrega apoia emerjénsia ba afetadu sira iha, sesta (30/06). Imajen Tatoli/Vitorino Lopes da Costa

VIQUEQUE, 01 jullu 2022 (TATOLI)–Koodenadora Cruz Vermella Viqueque, Severina Marques da Silva, informa, entrega ona apoiu emerjénsia ba vítima dezastre naturál iha postu Viqueque vila, relasiona ho udan-boot iha kuarta (29/06) to’o kinta (30/06) dadeer hodi akontese inundasaun.

Dezastre naturál ne’e afeta ba komunidade hosi suku Caraubalo no suku Uma-uain Kraik, ne’ebé iha uma tolu mak hetan estragu.

“Vítima hosi postu administrativu Viqueque vila ami entrega ona apoia emerjénsia ba uma-kain tolu ne’ebé sai afetadu ba dezastre naturál,” Koordenadora hateten ba Agência Tatoli, iha postu Viqueque vila, sesta ne’e.

Notísia relevante: Dadús provizóriu: uma 170 iha área Beaço afetadu inundasaun

Maski nune’e, parte kompetente sei nafatin rekolla dadus vítima hosi suku rua hodi entrega apoiu emerjénsia ba vítima uma-kain tolu.

Apoia emerjénsia ne’ebé entrega ba vítima dezastre naturál hosi suku rua hanesan terpal, foos, mina, sanan, inklui sasán seluk tan.

Apoiu hirak ne’e mai hosi Protesaun Sivil maibé Cruz Vermella mak entrega ba vítima dezastre naturál sira.

Distribuisaun sasán emerjénsia ba vítima dezastre naturál hosi suku Caraubalo aldeia Mane-haat iha uma ida kompostu hosi membru família neen, enkuantu suku Uma-uain kraik iha aldeia Fatuhada iha uma rua afetadu.

“Apoiu emerjénsia ami lori entrega diretamente ba afetadu sira-nia hela fatin,” nia tenik.

Jornalista   : Vitorino Lopes da Costa

Editora       : Julia Chatarina

iklan
iklan

Leave a Reply

iklan
error: Content is protected !!