Empreza Maliana Brother manán konkursu reabilita ponte Bilimau
BOBONARO, 13 julu 2022 (TATOLI) – Sekretáriu Autoridade Munisípiu Bobonaro, João Fátima do Carmo, fó-sai katak, empreza Maliana Brother mak selesionada manán konkursu hodi halo reabilitasaun ba ponte Bilimau.
Ponte Bilimau ne’e ligasaun entre postu administratrivu Cailaco, munisípiu Bobonaro ba postu administrativu Hatulia, munisípiu Ermera.
“Ami koordena ona Obra Públika nasionál no munisipál, sira halo ona levantamentu no prosesu konkursu públiku la’o tiha ona, tuir informasaun ne’ebé ami simu hosi Diretór Obra Públika Munisípiu Bobonaro, katak prosesu aprovizíonamentu entrega ba kompañia Maliana Bother mak sei responsabiliza normalizasaun Ponte Bilimau,” nia ko’alia iha Maliana, kuarta ne’e.
Nia haktuir, obra refere tuir loloos implementa ona iha tempu badak, tanba pakote ida ho estrada iha postu administrativu Balibo no estrada ligasaun hosi suku Ritabou, postu administrativu Maliana ba postu administrativu Cailaco.
“Ita-nia empreza Bobonaro oan mak manán, fiar katak la kleur tán sira bele ona halo ona mobilizasaun materiál, tanba ne’e mak husu ba komunidade sira lalika triste no taridu, estadu no governu sempre hamutuk ho ita-boot sira atu asegura buat hotu-hotu la’o iha ita-nia munisípiu espesiál ba Cailaco,” nia fó hanoin.
Notisia Relevante:Governu Sentrál presiza halo intervensaun urjénsia ba ponte Bilimau
Ponte refre tinan-tinan sempre hetan sobu hosi volume bee mota Marobo, maibé grave liu mak hafoin akontese udan ho volume boot iha fulan-novembru tinan 2021, nune’e iha momentu ne’e kedas ema la’o-ain, transporte púbiliku no privada labele movimenta ba mai.
Hafoin ida-ne’e komuidade sira hola inisiativa organiza malu kalsu fali iha ponte rohan hodi fasilita konetividade transporte públiku nune’e komunidade munisípiu rua bele lori produtu lokál ba merkadu inklui aktvidade sira seluk.
Ponte ne’e rasik konstrui hosi Governu Indonézia dezde tempu okupasaun ho nia naruk metru 50 no luan metru ualu.
Notisia Relevante:MOP orienta IGE normaliza ponte Bilimau
Jornalista : Sérgio da Cruz
Editór : Evaristo Soares Martins
