Governu kria sosiedade anónima kapitál públiku jestaun parke industriál

DILI, 13 jullu 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova projetu dekretu-lei, ba kriasaun sosiedade anónima kapitál públiku sira ba jestaun parke industriál, SA. 

Projetu dekretu-lei ne’e aprezenta hosi Ministru Turizmu, Komérsiu no Indústria (MTKI), José Lucas do Carmo da Silva.

“Kriasaun sosiedade anónima ne’e ho objetivu ba promosaun atividade inisiativa privada iha setór industriál,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu.

Notísia relevante: MTKI kontrata kompañia Haberan inisia estudu viabilidade ba parke industriál Ulmera

Nune’e, Governu hakarak atu kria sosiedade anónima kapitál públiku, ne’ebé sei responsável ba promosaun, instalasaun no jestaun parke industriál.

Jornalista   : Antónia Gusmão

Editora       : Julia Chatarina