HEADLINE, JUSTISA

MJ planu halo alterasaun ba estatutu Defensória Públika

MJ planu halo alterasaun ba estatutu Defensória Públika

Ministru Justisa, Tiago Amaral Sarmento. Imajen Tatoli/Francisco Sony

DILI, 26 jullu 2022 (TATOLI)- Ministru Justisa (MJ), Tiago Amaral Sarmento, hateten hahú prepara proposta alterasaun ba estatutu Defensória Públiku hodi Konsellu Ministru (KM) halo aprovasau atu sai instituisaun ida autonómu finanseiru, administrasaun no patrimonial rasik.

“Esforsu hela atu halo alterasaun ba estatutu Defensória Públiku liuhosi dekretu-lei ida hodi haketak Defensoria Públika hosi Ministériu Justisa atu sai ba institusaun ida autónomu finanseira, administrasaun no patrimoniál tuir konstituisaun haruka,” Ministru Justisa Tiago Amaral Sarmento, hateten ba jornalista sira iha Gabinete MJ, Colmera, tersa ne’e.

Alterasaun ba estatutu Defensória Públika ho razaun rua importante maka lei organizasaun judisiáriu, ne’ebé ejize katak harii tribunál iha kada munisípiu, Tribunál Rekursu no harii Supremu Tribunál Justisa ida iha 2023.

“Se kuandu ita harii ona tribunál iha munisipiu, ezije autór judisiáriu  hanesan Juís, Prokuradór no Defensória Públika atu hela mós iha munisípiu tanba kuandu laiha autór jurisiáriu ne’e mós problema,” nia esplika.

Razaun seluk, Governante ne’e dehan tanba kuandu lei organizasaun judisiriu implementa iha tinan oin Defesória bele iha osan rasik atu rezolve sira nia nesesidade.

“Ha’u haree ba eskritóriu Defensória Públika hotu iha munisipiu barak maka aat, mákina emprime dokumentu balun aat ona , tanba ne’e preisiza sira iha osan rasik atu jere,  nune’e labele tan ba direta iha Ministériu Justisa ne’ebé iha burokrásia ne’ebé naruk,” nia afirma.

Alende ne’e, nia dehan alterasaun ne’e mós sei fasilita ka hakmaan orsamentu ne’ebé Ministériu Justisa iha, nune’e bele dezenvolve fali Diresaun sira-seluk ne’ebé tutela hanesan Diresaun Terra no Propriadade inklui  Serbisu Kadástu.

Jornalista : Natalino Costa

Editór        : Florencio Miranda Ximenes

iklan
iklan

Leave a Reply

iklan
error: Content is protected !!