HEADLINE, JUSTISA

Kada fulan, Pertamina Internasionál selu arrendamentu rai ho valór $10.000

Kada fulan, Pertamina Internasionál selu arrendamentu rai ho valór $10.000

Ministru Justisa, Tiago Amaral Sarmento. Imajen Tatoli/Francisco Sony

DILI, 03 agostu 2022 (TATOLI)— Ministru Justisa, Tiago Amaral Sarmento, informa iha fulan kotuk, selebra ona akordu arrendamentu ho Pertamina Internasionál, SA, nune’e hahú selu arrendamentu rai ho valór $10.000 kada fulan ba Estadu.

“Empreza Pertamina Internasionál kumpre ona devér hodi selu arrendamentu ba Estadu ho valór $10.000 kada fulan, hahú hosi fulan marsu ba oin ,” Governante ne’e hateten ba TATOLI iha Palásiu Governu, kuarta ne’e.

Governante ne’e relata kuaze tempu barak nia laran, Pertamina Internasionál okupa rai Estadu ne’e, maibé la selu arredamentu, maibé hafoin Governu regulariza no kontrola ho akordu arrendamentu, nune’e empreza ne’e hahú selu arrendamentu ba Estadu.

“Ha’u nia mandatu iha fulan marsu to’ mai iha fulan kotuk (jullu), sira selu ona arrendamantu tuir valór ne’ebé maka hakerek ona iha akordu ho montante $10.000 kada fulan,” Ministru  Justisa afirma.

Governu asina akordu ho Pertamina Internasionál hodi arrenda rai durante tinan 30 no kada fulan selu ho valór 10.000 ho bazeia ba Lei númeru 1/2003 no Dekretu-lei númeru 19/2004 ne’ebé ko’alia kona-ba propriedade Estadu no kobra arrendamentu.

Tuir relatóriu levantamentu dadus hosi Diresaun Terras no Proriadade no Serbisu Kadastrál halo ona antes ne’e ba Pertamina Internasionál, SA uza rai ektáre tolu hodi halo atividade negósiu iha Timor-Leste.

Tuir dadus hosi Sekretaria Estadu Terra no Priopriedade (SETP) hatudu iha tinan 2019 to’o 2020, rekolla reseita hamutuk millaun $4,2 no tinan 2021 rekolla millaun $1,2. Enkuantu iha tinan 2017 to’o 2018 rekolla millaun $2-resin.

SETP rekolla hosi arrendamentu rai Estadu hosi instituisaun privadu no pesoál privadu, ne’ebé mak utiliza rai Estadu no halo kontratu ho Estadu.

Tuir dadus ne’ebé publika antes ne’e, sidadaun ne’ebé okupa patrimoniu Estadu hanesan edifísiu no rai Estadu hodi halo negósiu hamutuk 1.114, ne’ebé ninia presu selu sei haree ba klasifiksaun no poténsia rai, uza hela ka halo negósiu, nia presu sei la hanesan.

Alende ne’e, rejista 8.340 arrendatáriu iha territóriu ne’ebé mak halo kontratu utiliza patrimóniu Estadu no selu kada fulan.

Enkuantu,arrendatáriu hamutuk 4.115 maka selu ativu, maibé 4.225 mak la kumpre selu areendamentu desde 2017 to’o 2020.

Notísia Relevante :MJ sei asina kontratu arrendamentu rai ho Pertamina Internasionál

Jornalista: Natalino Costa

Editór     : Florencio Miranda Ximenes

iklan
iklan

Leave a Reply

iklan
error: Content is protected !!