DILI, EKONOMIA, HEADLINE, NASIONÁL

Kompañia Alexander fó formasaun kona-ba ANTI-Money Laudrering ba membru na’in-neen

Kompañia Alexander fó formasaun kona-ba ANTI-Money Laudrering ba membru na’in-neen

Kompaña Alexander Transfer Unipesoal Lda, realiza treinamentu kona-ba Kombate Breankamentu Kapitál ba nia-parseiru sira. Iha salaun Diliana Dili, sabadu (06/08). Imajen Tatoli/Francisco Sony

DILI, 06 agostu 2022 (TATOLI)–Kompañia Alexander Money Transfer (AMT), Unipessoal Lda, sábadu ne’e fasilita formasaun ba membru na’in neen kona-ba ANTI-Money Laudrering.

AMT ne’e rasik nu’udar kompañia nasionál ida ho objetivu atu fasilita timor-oan sira ne’ebé iha rai-laran no rai-li’ur hodi halo transferénsia osan ba familía sira ho seguru no lalais inklui hosi Timór ba rai-liur hanesan Indonézia no seluk tan, inklui mós kobre iha rai-laran.

“Objetivu ita fó formasaun ba membru sira-ne’e mak atu sensibiliza no hasa’e koñesimentu partisipante sira-nian kona-ba saida mak brankeamentu kapitál no oinsá bele kombate brankeamentu kapitál ne’e rasik, oinsá halo prevensaun bainhira atende kliente sira-ne’ebé haruka osan ka simu osan hosi kliente tantu iha rai-laran nomós ba rai-liur,” Diretór Kompañia Alexander Money Transfer Unipessoal Lda, José Alexander Jeca Guterres hateten, iha Dili Plaza, Fatuhada.

Nia dehan, partisipante sira-ne’ebé partisipa iha formasaun ne’e nu’udar parseiru Alexander Money Transfer Unip Lda nian ne’ebe durante ne’e serbisu hamutuk ona hanesan loja ne’ebé halo transferénsia osan iha munisípiu sira hanesan Covalima iha loja haat, Baucau loja ida no Manatuto loja ida.

AMT ne’e rasik eziste dezde 2019 to’o agora iha ona kliente 700-resin.

Rekizitu ne’ebé AMT uza halo transferénsia osan liuhosi online mak kliente tenke prenxe rekizitu hanesan, osan ne’ebé manda nia objetivu tenke klaru, presiza foto, pasaporte tenke upload, hela-fatin no númeru kontaktu.

Ba iha Timór laran mak uza hanesan mosan ba futuru AMT rasik hakarak loke ninia sistema E-Wallet.

AMT ne’e rasik halo kooperasaun ho Banku Sentrál Timor-Leste (BCTL, sigla portugés) iha ANTI-Money Laudrering.

Reprezentante Diresaun Unidade Informasaun Finanseira hosi BCTL, Benjamin dos Santos, hateten, agradese ba AMT tanba inisiativa bele harii kompañia hodi fasilita timor-oan sira iha rai-laran no rai-li’ur.

“Ha’u husu ba partisipante sira aproveita oportunidade ida-ne’e ho di’ak nune’e bele atende ita-nia kliente ho di’ak, tanba transferénsia liuhosi online ne’e ema barak sai vítima ona,” nia hateten.

Bazea ba prosedimentu hosi BCTL nian ne’ebé aplika mós ba Money Transfer no loja sira mak kompañia sira-ne’ebé halo operasaun tranferénsia sei hetan sansaun bainhira la halo tuir prosedimentu.

Sansaun sira mak hanesan, karik loja la konsege identifika manda no simu na’in nia identidade sansaun ne’ebé sei hetan mak selu multa montante entre $250 to’o $1.000 konforme investigasaun.

Nune’e sé karik loja halo tranzaksaun ba rai-li’ur sein koñesimentu hosi kompañia sansaun mak sei selu multa $500 to’o $1.500 konforme investigasaun.

Iha mós sansaun ba loja na’in la kosege identifika kliente ne’ebé manda osan sansaun konforme investigasaun hamutuk $5.000 to’o $10.000 ba leten.

Formasaun ne’e hala’o loron tomak, partisipante sira aprende tópiku lala’ok brankeamentu kapitál (money laundering), oinsá atu kombate money laundering.

Esperansa ba futuru mak kompañia Alxenader Money Transfer, hakarak kontinua kria relasaun parseiru serbisu ho loja sira seluk, mantein komunikasaun ne’ebé di’ak ho parseiru no kliente sira nomos koko atu habelar liután serbisu transferénsia osan liuhosi ninia estratéjia merkadoria hodi nune’e populasaun bele hetan atendimentu ida- ne’ebé kualidade no seguru.

Kompañia ne’e mós mehi ona atu loke tán ramu iha rai-li’ur no munisipiu sira seluk inklui inklui Rejiaun Administrativa Espesiál Oé-Cusse Ambeno (RAEOA) la’ós de’it asegura atendimentu ba ema hotu maibé  formese serbisu ba timor-oan sira seluk.

Jornalista : Arminda Fonseca

Editór : Evaristo Soares 

iklan
iklan

Leave a Reply

iklan
error: Content is protected !!