DILI, EKONOMIA, HEADLINE, NASIONÁL

SEFOPE sei haruka tán traballdór 49 ba serbisu Austrália

SEFOPE sei haruka tán traballdór 49 ba serbisu Austrália

DILI, 06 agostu 2022- (TATOLI) — Sekretaria Estadu tadu Formasaun Profisionál no Empregu liuhosi Diresaun Nasionál Empregu Exteriór (DNEE) iha fulan-agostu sei haruka tán traballadór hamutuk 49 ba serbisu iha Austrália.

Diretór DNEE Filomeno Soares, hateten, hafoin realiza serimónia despedida no asina deklarasaun hó família traballadór na’in neen, iha salaun DNEE Becora, Dili.

“Iha fulan ida-ne’e, ita sei haruka tán traballdór hamutuk na’in 49 ne’ebé horisehik no ohin ita asina deklarasaun despedida nian, horisehik hamutuk na’in 43 no ohin na’in-neen,” Filomeno Soares bá Agência Tatoli, iha salaun DNEE Becora.

Nia hateten, asina deklarasaun despedida nian ne’ebé Governu ho traballadór ho família sira halo mak hanesan konkordánsia ida hosi família traballadór katak, aseita atu husik oan, feen ka la’en ba serbisu iha Austrália, la’ós Governu maka obriga, nune’e mosu problema ruma parte rua iha hotu responsabilidade hodi rezolve.

“Ha’u husu ba família traballadór sira atu labele halo problema hodi prezudika sira-nia serbisu, tanba serbisu ne’ebé sira hasoru iha ema-nia rain todan tebes, karik traballadór sira haruka osan mai atu utiliza hó didi’ak, nune’e fila mai sira bele loke negósiu kiik ruma hodi fó fila-fali serbisu ba joven sira seluk,” nia dehan.

Nia parte apela mós ba traballadór na’in 49 ne’ebé hetan ona oportunidade ba serbisu iha Austrália atu hatudu nafatin komportamentu di’ak, respeita lei Austrália ninian, labele halai sees hosi sistema, tanba halai sees hosi sistema sei taka dalan ba empregadór atu emprega tán joven barak ne’ebé hein hela serbisu iha sistema work ready pool SEFOPE ni’an.

Jornalista : Arminda Fonseca

Editór : Evaristo Soares.

iklan
iklan

Leave a Reply

iklan
error: Content is protected !!