Top

Governu aprova projetu dekretu-lei informasaun kadastrál prediál

Edifísiu Palásiu Governu. Imajen Tatoli/Francisco Sony

DILI, 17 agostu 2022 (TATOLI)--Governu liuhosi reuniaun Konsellu Ministru (KM) aprova projetu dekretu-lei relasiona ho informasaun kadastrál prediál, ne’ebé aprezenta hosi Ministru Justisa, Tiago Amaral Sarmento.

“Projetu dekretu-lei ne’e sai ona hanesan objetu deliberasaun iha sorumutuk KM iha loron 08 juñu 2022, maibé tanba desizaun hodi altera artigu 46, kona-ba data ne’ebé tama ba vigór diploma maka presiza submete projetu dekretu-lei ida-ne’e ba deliberasaun foun,” Ministru Prezidénsia Konsellu Ministru, Fidelis Manuel Leite Magalhães, informa hafoin reuniaun ezekutivu, iha Palásiu Governu, kuarta ne’e.

Notísia relevante: Governu aprova dekretu-lei Kadastrál Prediál 

Projetu dekretu-lei ne’e sei define katak diploma tama iha vigór iha loron 01 novembru 2022, uluk define katak diploma ne’e sei tama iha vigór iha loron 120 hafoin ninia publikasaun.

Lejizlasaun kódigu rejistu prediál ho kódigu kadastru sei sai nu’udar mekanizmu atu emite sertifikadu na’in ba rai ba sidadaun sira.

Daudaun ne’e iha dadus kadastrál hosi rezultadu Servisu Nasionál Kadastru (SNC, sigla portugés) ne’ebé halo ona rejistu númeru parsela rai hamutuk 318.000  maibé iha parsela rai 42,000 mak sei iha disputa nia-laran.

ita tun ba iha terrenu hodi halo konfirma fila-fali keta iha mudansa laiha buat ida bele emite ka fó daudaun sertifikadu na’in ba rai no sira ne’ebé sei iha disputa komisaun terras ne’ebé  ita sei harii buka bele rezolve.

Jornalista   : Antónia Gusmão

Editora        : Julia Chatarina

Publisidade

Leave a Reply

Latest Post

error: Content is protected !!