iklan

JUSTISA, HEADLINE

TDD aplika TIR no aprezentasaun periódika ba arguidu nain rua envolve kazu ilísitu droga

TDD aplika TIR no aprezentasaun periódika ba arguidu nain rua envolve kazu ilísitu droga

TDD. Imajen Tatoli /Dok

DILI, 22 agostu 2022 (TATOLI) – Tribunál Distritál  Dili (TDD), aplika Termu Identidade Rezidénsia (TIR) no aprezentasaun periódika ba arguidu nain rua ne´ebé komete kazu krime ilísitu droga.

Iha interrogatóriu dahuluk TDD aplika ba arguidu nain rua mak LC hetan pena medida koasaun TIR no JC hetan medida koasaun TIR no aprezentasaun periódika kada fulan ida arguidu tenke aprezenta-aan ba Polísia Siéntifika Investigasaun Kriminál.

Perante julgamentu, Ministériu Públiku promové arguidu sira ho krimi ilísitu ba droga tuir lei númeru 2/2017.

Iha prosesu inkéritu ba dahuluk, MP alega arguidu husu atu tribunál aplika medida koasaun prizaun preventiva tanba hetan faktu katak arguidu nain rua iha alegasaun Ministériu Públiku ho medida prizaun preventiva, tanba iha indísiu forte no supostamente ka relasaun ho arguidu nain sia ne’ebé maka antes ne’e envolve iha kazu droga.

Tanba ne´e, ekipa konjunta preende telemovél  no komputadór, ho motivu deskonfia arguidu nain rua ne’e ninian envolvimentu iha relasaun ho arguidu nain sia seluk.

Maibé Defensór husu tribunál aplika Termu Identidade Rezidénsia (TIR), ba arguidu nain rua, ho razaun katak arguidu nain rua laiha relasaun ho arguidu nain sia no faktu ne´ebé Ministériu Públiku aprezenta konsidera faktu ne´ebé la sufisiente.

“Maibé iha interogatóriu dahuluk ohin ne’e, arguidu nain rua konfeza ba Tribunál katak arguidu nain sia antes ne’e sira nein koñese malu no relasaun ho sira nain sia ne’e no nain rua mós deklara katak la konsumu droga. No bainhira ekipa konjunta sira ba halo detensaun, buska domisiláriu sira hakfodak”, Defensór Públiku, Humberto Alves, hateten ba jornalista sira hafoin konklui interogatóriu dahuluk ba nia klienta nain rua iha TDD.

“Hanesan parte defeza ha’u simu desizaun tribunál tanba ida ne’e proporsionál no adekuadu duni ba arguidu nain rua”, refere.

Audiénsia ba julgamentu ne’e prezide husi Juiz, EvangelinoNunes, Ministériu Públiku reprezenta husi Prokuradór Matias Soares no arguidu sira hetan asisténsia ho Densór Públiku Humberto no Advogadu Privadu ida.

Jornalista : Natalino Costa

Editór : Zezito Silva

iklan
iklan

Leave a Reply

iklan
error: Content is protected !!