Top

Operasaun kalan, PNTL Dili halo apreensaun ba motór 15

Komandu PNTL Dili liuhosi sesaun Tránzitu Dili, iha kinta (25/8), kalan halo pasa revista ba arma branka no motór sira iha edifisiu Komisaun Nasionál Eleisaun (CNE, sigla portugés) nia-oin. Imajen espesiál.

DILI, 26 agostu 2022 (TATOLI)— Komandante Polisia Nasionál Timor-Leste (PNTL), Munisipiu Dili, Superientidente Xefe Henrique da Costa, informa  iha pasa revista (check point) ne’ebé maka Unidade Tránzitu hala’o iha loron, kinta (25/8), kalan  konsege halo apreensaun ba motórizada hamutuk 15 ne’eb’e viola Kódigu Estrada.

“Ita kontinua halo pasa revista ka halo auto stop hanesan bainbain hodi haree ba arma branka no motorizada.  Iha pasa revista ita konsege halo apreensaun ba motorizada hamutuk 15,” katak Komandante Munisípiu Dili, ba Agência TATOLI via telefónika, sesta ne’e.

Pasa revista iha tempu kalan ne’e, Nia dehan PNTL foku liuba dokumentu komprovativu sira hanesan karta kondusaun, asesória motór hanesan espellu, lampu, xapa matríkula no tenle uza kapasete.

Iha operasaun kalan ne’e, PNTL mós halo apreensaun ba dokumentu ka karta kondusaun hitu tanba invalidu ona no sidadaun balun tula malu, maibé la uza kapasete.

“Ita halo apreensaun hotu no evidénsia sira ne’e ekipa lori kedan mai iha Komandu PNTL Dili hodi aplika multa ba sira, bainhira sira selu bá ona selu multa, sira bele mai foti sira nia motór,” katak Komandante ne’e.

Nune’e, Superintendente Xefe ne’e, husu ba iha sidadaun hotu atu kondús motór no karreta tenke kumpre lei kódigu estrada númeru 6/2003, 3 abríl, hodi prevene-aan hosi asidente tráfegu.

Jornalista: Natalino Costa

Editór      : Florencio Miranda Ximenes

Publisidade

Leave a Reply

Latest Post

error: Content is protected !!