iklan

EKONOMIA, HEADLINE

IGJ hatama reseita milliaun $1 resin durante fulan-hitu

IGJ hatama reseita milliaun $1 resin durante fulan-hitu

Osan dolar Amérika. Imajen/Espesiál

DILI, 01 setembru 2022 (TATOLI)—Inspesaun Jerál Jogu (IGJ, sigla portugés) ne’ebé tutela ba Ministériu Turizmu Komérsiu no Indústria (MTKI) hatama reseita hamutuk $1.741.282,05 durante fulan-hitu, hahú janeiru to’o jullu 2022.

“Reseita mai hosi atividade jogu legál hanesan toto bola, slot machine, lotaria, no jogu tradisionál liuliu bola guling ne’ebé agora loke iha feriadu loron boot sira. Ba fulan-agostu ita hetan reseita $76.050 hosi jogu bola guling,” Inspetór Jerál Jogu, Domingos da Costa Guterres, informa ba Agência Tatoli, iha ninia knaar fatin, Bebora, kinta ne’e.

Notísia relevante: IGJ arrekada reseita $938.000 hosi rejistu jogu iha trimestre dahuluk 2022

Nia dehan, jogu tradisionál sira ne’ebé loke iha ámbitu loron boot sei ramata iha loron 02 setembru.

Aleinde ne’e, daudaun ne’e IGJ serbisu hamutuk ho Polísia Nasionál Timor-Leste (PNTL) hodi hodi tau-matan ba jogu ilísitu sira.

“Ba oin ami mós hakarak serbisu ho mídia bainhira halo inspesaun ba jogu sira, nune’e mídia kontinua haklaken serbisu sira ne’e ba públiku hodi evita ema hala’o jogu ilegál sira,” nia tenik.

Jornalista   : Arminda Fonseca

Editora         : Julia Chatarina

iklan
iklan

Leave a Reply

iklan
error: Content is protected !!