DILI, HEADLINE, INTERNASIONÁL

Ministra Adaljiza sei partisipa Asembleia Jerál UNGA-77 iha EUA

Ministra Adaljiza sei partisipa Asembleia Jerál UNGA-77 iha EUA

Ministra Negósiu Estranjeiru no Kooperasaun (MNEK), Adalgiza Albertina Xavier Magno. Imajen Tatoli/Francisco Sony

DILI, 14 setembru 2022 (TATOLI)— Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, sei hala’o vizita traballu ba Estadu Unidu Amérika (EUA), hodi partisipa iha enkontru nivél altu Asembleia Jerál Nasaun Unida ba dala-77 (UNGA-77, sigla ingléz) iha Novaiorke.

“Asuntu importante ne’ebé sei ko’alia iha Asembleia Jerál ne’e mak direitu umanu, Asembleia Jerál ne’e sei hahú loron 18 to’o 25 setembru,” dehan liuhosi komunikadu ne’ebé Agência TATOLI asesu hosi mídia MNEK, kuarta ne’e.

Ministra Adaljiza Magno mak sei reprezenta Estadu Timor-Leste hodi aprezenta mós kestaun balu iha Asembleia jerál ne’e.

Molok partisipa iha UNGA-77, hahú 15 to’o 17 setembru tinan ne’e, Ministra Adaljiza Magno no delegasaun sei halo vizita uluk ba sidade Washington DC, kapitál EUA.

Iha oportunidade ne’e, Xefe Diplomasia timoroan sei marka enkontru ho entidade importante-sira hanesan Vise-Sekretaria Estadu EUA reprezentante ekipa Millennium Challenge Corporation Espesialista Negosiadór ba Asuntu Realokasaun no sei hasoru malu mós ho ekipa Administradór USAID.

Ministra Magno mós sei kontinua halo enkontru bilaterál ho Vise-Primeiru Ministru Slovenia no mós entidade altu nível sira. Alende konvoka mós enkontru ba asuntu Mulitilaterál no Bilaterál sira seluk durante estadia iha sidade Novaiorke.

Ekipa Diresaun Jerál ba Asuntu Multilateral no Rejionál-MNEK sei akompaña vizita traballu Ministra Magno nian iha EUA.

Hafoin ramata vizita traballu iha Estadus Unidu Amérika, Ministra no ekipa-MNEK sei kontinua halo vizita traballu ba Japaun.

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!