iklan

DESPORTU, HEADLINE, MUNISÍPIU, OÉ-CUSSE (RAEOA)

RAEOA realiza GREEN CUP promove talenta desportiva kontribui ba estabilidade

RAEOA realiza GREEN CUP promove talenta desportiva kontribui ba estabilidade

RAEOA realiza GREEN-CUP promove talenta desportiva kontribui ba estabilidade. Imajen Tatoli/ Abílio Elo Nini.

OÉ-CUSSE, 26 setembru 2022 (TATOLI) – Rejiaun Administrativa Espesiál Oé-Cusse Ambeno (RAEOA), realiza jogu futeból GREEN-CUP promove talenta desportiva ba foinsa’e sira hodi hametin pás no estabilidade iha rejiaun ne’e.

Eventu ne’e realiza iha kampu futeból Postu-Sika, suku Lifau, sub-rejiaun Pante Makasar, ne’ebé abertura hosi Adjuntu Prezidente Autoridade RAEOA, atuál Sekretáriu Rejionál Asuntu Sosiál, Maximiano Neno, iha sesta semana kotuk.

“Eventu ne’e ita abertura ona iha sesta semana kotuk, ho naran GREEN GAMES, implementa ba foinsa’e sira atu promove talentu sira-ne’ebé iha, atu nune’e kontribui ba pás no estabilidade atu dezenvolve dezenvolvimentu desportiva iha ita-nia rejiaun ne’e rasik,” Maximiano Neno, hatete iha Oé-Cusse, segunda ne’e.

Nia orgullu no rekoñese ba esforsu tomak ba ekipa organizasuan GREEN Games halo, atu oinsa bele hametin pás no estabilidade iha rai laran atu promove saúde públika, tanba liuhosi desportiva bele hadook-aan hosi moras oinoin no hodi desportu mós bele estimula kresimentu ekonomia família nian.

Tanba klubu ne’ebé partisipa iha eventu ne’e hamutuk haat nulu (40), entaun jogadór sira sei gasta osan, adeptu mai asiste sei hola ákua, sigarru, no rebuxadu, enxe mós mina gazolina, ba motorizada ho karreta sira entaun hosi eventu ne’e sei estimula kresimentu ekonlmia família nian iha Oé-Cusse.

Nune’e nu’udar Autoridade, apela jogadór no klubu hotu, katak iha joga amizade ne’e nia importante maka atu hatudu disiplia, respeitu malu iha kampu laran.

Kordenadór GREEN GAMES iha Oé-Cusse, Luis Armando Crispina Sequeira, hatete, eventu ne’e realiza tanba hetan apoia hosi Judith no hosi Austrália, kada tinan apoia eventu GREEN GAMES Cup iha RAEOA.

“Tinan ne’e klubu ne’ebé partisipa iha eventu ne’e hamutuk 52, maibé liuhosi selesaun dokumentu iha klubu 40 prienxe kritéria atu envolve iha eventu ne’e,” nia informa.

Entretantu durante eventu ne’e la’o sei hetan akompañamentu hosi Polísia Nasionál Timor-Leste (PNTL), Ambulánsia no mós Kruz Vermella Timor-Leste (CVTL) filiál Oé-Cusse.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!