iklan

EKONOMIA, HEADLINE

BTL, E.P rekolla reseita $404.000 hosi janeiru to’o setembru

BTL, E.P rekolla reseita $404.000 hosi janeiru to’o setembru

Bee-moos. Imajen/Espesiál

DILI, 04 outubru 2022 (TATOLI)–Bee Timor-Leste, Empreza Públika (BTL, E.P) rekolla reseita hamutuk $404.000 resin hosi janeiru to’o setembru 2022.

“BTL iha alvu atu rekolla reseita $250.000 resin iha tinan ne’e, maibé to’o loron 30 setembru 2022 rekolla ona $404.000 resin, signifika liu ona,” Prezidente Konsellu Administrasaun BTL, E.P), Carlos Peloi dos Reis, informa hafoin relata progresu serbisu ba Primeiru-Ministru, Taur Matan Ruak, iha Palásiu Governu, tersa ne’e.

Nia dehan, maski liu ona alvu maibé la sufisiente tanba kustu operasaun no manutensaun sistema bee-moos boot.

“Pelu menus iha tinan-neen ka hitu nia laran bainhira sistema sira iha Dili ita mellora ona, inklui kapitál, munisípiu to’o postu, ita bele dehan to’o ona. Tanba ne’e maka BTL kontinua halo esforsu,” nia akresenta.

Notísia relevante: BTL sei promove melloramentu bee-moos iha kapitál postu administrativu

BTL, E.P kontinua halo esforsu hodi husu komunidade hodi kontribui nune’e bele mellora sistema bee-moos.

“Liuliu ligasaun la tuir regra, atu sira iha konsiénsia rasik hasa’e ligasaun ne’e atu komunidade ne’ebé durante ne’e hakruuk ba regra sira iha oportunidade hetan bee-moos, se lae sira ne’ebé durante ne’e kontribui selu hodi hatama reseita la hetan bee, enkuantu ida ne’ebé dala ruma la kontribui mak hetan bee di’ak liu fali. Liuhosi notifikasaun ne’ebé mak fó sai hosi BTL, E.P ho maneira ida atu fó hanoin ba malu atu komunidade kontribui karik iha duni ligasaun la tuir regra, liuliu sira uza dap halo favór hasai, depois maka ami-nia ekipa ba halo intervensaun,” nia tenik.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!