iklan

EKONOMIA, BAUCAU, HEADLINE, MUNISÍPIU

Maioria komunidade suku Uma Ana-ulu asesu ona estrada

Maioria komunidade suku Uma Ana-ulu asesu ona estrada

Xefi Suku Uma Ana-Ulu, Viçente de Sousa Boavida. Imajen Tatoli/Natalino Belo.

BAUCAU, 04 outubru 2022 (TATOLI) – Maioria komunidade iha suku Uma ana-ulo, Bercoli, postu administrativu Venilale, munisípiu Baucau, maioria asesu ona estrada liuhosi Programa Nasionál Dezenvolvementu Suku (PNDS) no projetu reabilitasaun hosi International Labour Organization (ILO).

Xefi suku Uma Ana-ulu, Berkoli, postu Venilale, Viçente de Sousa Boavida, esplika, kondisaun estrada iha suku hetan ona atensaun hosi governu liuhos PNDS) no programa ILO ne’ebé rehabilita estrada iha suku to’o aldeia.

“Uluk, tempu udan transporte labele asesu maibe hafoin tinan 2022 liuhosi programa PNDS mesmu udan tau estrada ba aldeia haat ne’e transporte bele asesu ona,” Xefi suku Uma Ana-ulu, Berkoli, postu Venilale hateten iha Bercoli, tersa ne’e.

Estrada hirak-ne’e ligasaun entre suku ba aldeia Nunu-docu no Venilale liuhosi programa PNDS. Enkuantu aldeia Osso gui-gui no Caihula liuhosi programa ILO ne’ebé hahú rehabilita tinan-2018 ho objetivu atu fasilita komunidade hodi transporta produtu lókal ba merkadu.

Suku Uma Ana-ulo rasik maioria komunidade asesu ona eletrisidade no bee-mos ba kada aldeia utiliza sistema pompa nune’e nesesidade bázika hahú sufisiente ba komunidade atu halo aktiviadade nu’udar agrikultór.

Suku Uma Ana-ulu kompostu aldeia haat hanesan Caihula, Nunu-docu, Osso gui-gui no Venilale ho tótal komunidade hamutuk rihun tolu-resin no tótal uma-kain hamutuk 600-resin.

Jornalista    : Natalino Belo

Editór           : Evaristo Soares Martins

iklan
iklan

Leave a Reply

iklan
error: Content is protected !!