Top

MI kontrata kompañia rua konstrui edifísiu eskuadra polísia Dom-Aleixo

Vise-ministru interiór, António Armindo

DILI, 05 outubru 2022 (TATOLI)— Vise Ministru Interiór (VMI), António Armindo, informa Governu hahú kontrata ona kompañia rua hanesan kompañia Quatro Colega Lda no Carya Timor-Leste atu halo konstrusaun ba edifisiu  Eskudra Polísia Nasionál Timor-Leste Dom Aleixo, munisípiu Dili.

“Foin dadaun Governu liu hosi Ministeriu Interior loke ona konkusu hodi halo konstrusaun ba edifisiu Eskuadra Dom-Aleixo. Iha konkursu ne’e kompañia Quatro Colega Lda no Kompañia Carya Timor-Leste,” Vise Ministru Interior (VMI), António Armindo hateten ba jornalista sira hafoin partisipa seremonia deskusaun planu estrátejiku Polisia Nasionál Timor-Leste (PNTL), ne’ebé maka halo iha Sentru Formasaun Polisia (sigla portugés CFP) Comoro, Kuarta ne’e.

“Kompañia rua ne’e maka sei halo konstrusaun ba edifisiu Eskudra Dom Aleixo. Tuir kontratu ne’ebé maka iha kompañia sei finaliza iha tinan ne’e,” Vise Ministru Interior (VMI), António Armindo hateten ba jornalista sira iha Sentru Formasaun Polisia (CFP, sigla Portugés)-Comoro, kuarta ne’e.

Orsamentu ba konstrusaun edifísiu eskuadra Dom-Aleixo  hamutuk miliaun $2.

Entretantu, hahú hosi loron tersa (04/10), edifisiu Eskuadra Dom Aleixo provizoriamente muda ona ba iha Sentru Formasaun Polisia (sigla portugés CFP) Comoro hodi fó oportunidade ba kompañia atu halo serbisu.

Governu deside halo konstrusaun ba edifísiu Eskuadra Dom-Aleixo tanba risku ba inundasaun iha tempu udan.

Jornalista: Natalino Costa

Editór    : Florencio Miranda Ximenes

Publisidade

Leave a Reply

Latest Post

error: Content is protected !!