DILI, 13 outubru 2022 (TATOLI)— Prokuradór Jerál Repúblika (PGR), prevee millaun $5.475.170 iha Orsamentu Jerál Estadu (OJE) tinan 2023 hodi konstrui edífisiu Ministériu Públiku (MP) iha munisípiu sira.
“Iha Orsamentu Jerál Estadu (OJE) 2023, ami hetan milliaun $5.475.170, maibé orsamentu ne’e insufisiente nune’e ami husu tán adisionál milliaun $1.140.520 atu reforsa implementasaun lei sistema judisiáriu,” PJR Alfonso Lopez, ba jornalista sira, bainhira rAmata audénsia públiku kona-ba Orsamantu Jerál Estadu (OJE) 2023 ho Komisaun B iha Parlamentu Nasionál, kinta ne’e.
PGR presiza aumenta rekursu umanu tanba dadaun ne’e Prokuradór nain-37 atu implementa lei sistema judisiáriu.
Tanba iha lei organizasaun judisiáriu foun ezije loke Supremu Trimunál Justisa ida, Tribunál Rekursu no Tribunál Distritál iha kada munisipiu.
“Ida ne’e, Ministériu Públiku presiza rekursu umanu, nune’e iha tinan oin aposta ba formasaun iha Sentru Formasaun Jurídika no Judisiáriu hodi bele aumenta ba rekursu umanu, liu liu ofisiál Ministériu Públiku no Prokuradór sira,” katak.
Jornalista: Natalino Costa
Editór : Florencio Miranda Ximenes
