OJE 2023 SERVE.I.P prevee milliaun $2-resin
DILI, 21 outubru 2022 (TATOLI) — Diretór Ezekutivu, Servisu Rejistu no Verifikasaun Emprezariál, Instututu Públiku (SERVE,I.P), Florência Sanches, hateten Orsamentu Jerál Estadu (OJE) 2023 sira-nia parte prevee hamutuk milliaun $2-resin.
“OJE 2023 Governu aloka mai ita ne’e hamutuk $2.052.267, ida ne’e ba programa rua, boa governasaun no jestaun instituisionál nia orsamentu hamutuk $319,529 no programa invetsimentu diversifikasaun ekonómia $2.376.313”, Florência Sanches, hateten ba Agência Tatoli, iha nia knaar-fatin, Hudi-Laran, sesta ne’e.
Hosi programa boa govenasaun ne’e iha nia sub-programa rua mak, boa governasaun, jestaun instituisionál no nia atividade rua mak, abordajen integrada ba jéneru, no jestaun finanseira administrasaun no lojístika.
Ba programa invetimentu no diversifikasaun ekonómika iha sub-programa ida mak rejistu hosi empreza no lisensiamentu ba atividade ekonómiku ho nia atividade hamutuk haat mak, formasaun no kapasitasaun relasionadu rejistu komerisiál, rejistu sosiedade no emprezáriu ho naran individual indireta no estabelesimentu servisu bankária no operasionalizasaun balkaun úniku.
Enkuantu, OJE 2022 ba SERVE.I.P hamutuk milliaun $2.537.259 ninia ezekuasaun hahú hosi janeiru to’o mai 20 outubru atinje ona 71.76% ho númeru ekivalente milliuaun $1.464.684,10.
Jornalista : Arminda Fonseca
Editór : Zezito Silva
