Top

Ekipa Konjunta detein joven nain-tolu envolve konfrontu iha Bidau Akadiru-hun

Ilustrasaun ema iha sela laran. Imajen/Foti hosi Google

DILI, 24 outubru 2022 (TATOL)- Ekipa Konjunta kompostu Servisu Informasaun Polísia (SIP), Serbisu Nasionál Intelejénsia (SNI) no serbisu sekretu sira hanesan  N2, J2 no Makikit, domingu ne’e,  detein joven na’in-tolu ne’ebé deskonfia envolve iha konfrontu entre joven-sira iha suku Akadiru-hun, postu administrativu Nain-Feto, Munisípiu Dili.

Joven nain-tolu ne’ebe ekipa konjunta detein ne’e hanesan ASM (tinan 30), hela iha Quintal Boot, Suku Santa Cruz, SPF (tinan 26), hela fatin Aldeia Bedik no DM (tinan 30) hela iha aldeia 01 Bedik.

“Suspeitu nain-tolu hamutuk ho evidénsia hirak ne’e ekipa konjunta entrega ona ba Eskuadra PNTL Nain-Feto hodi kontinua halo prosesu,” refere nota ne’ebé Agência TATOLI asesu, segunda ne’e.

Enkuantu iha operasaun ne’e, ekipa servisu sekreta forsa rua nian SIP Unidade FALINTIL, SNI, N2, J2, Makikit hetan akompanamentu seguransa hosi Polisia Militar, Batalaun Orden Públiku (BOP) no Forsa Rezerva (Taksforce), halo mós apreensaun ba sasan kro’at hanesan katana, tudik, fiska no rama-ambon tanba kontra lei númeru 5/2017, kona-ba prátika arma branca.

Antes ne’e, iha loron rua ba kotuk, ekipa servisu sekreta ba ona iha tereñu hasoru vítima sira hodi hetan informasaun kona-ba autór sira, maibé autoridade lokál no komunidade sira rasik la koñese tanba maioria joven sira ne’e mesak oin foun de’it.

Jornalista:Natalino Costa

Editór     : Florencio Miranda Ximenes

Publisidade

Leave a Reply

Latest Post

error: Content is protected !!