iklan

HEADLINE, SAÚDE

MS kapasita profisionál saúde hodi mellora atendimentu ba ema ho moras mentál

MS kapasita profisionál saúde hodi mellora atendimentu ba ema ho moras mentál

Ministra Saúde, Odete Maria Freitas Belo, foto hamutuk ho profisionál saúde, hafoin realiza formasaun ba primeiru sukoru psikolojia hodi fó atendimentu no akonsellamentu ba ema ho moras mental.Imajen/Média MS.

DILI, 15 novembru 2022 (TATOLI)—Ministériu Saúde (MS), segunda ne’e (14/11), realiza formasaun “primeiru sukoru psikolojia” hodi mellora fó atendimentu no akonsellamentu ba ema ho moras mentál.

Diresaun Nasionál Kontrolu Moras iha inisiativa hodi organiza treinamentu ida-ne’e ho objetivu atu hasa’e ho profisionál saúde sira-nia koñesimentu no abilidade tékniku hodi fornese servisu atendementu no akonsellamentu ne’ebé ho kualidade ba ema moras mental liuliu ba pasiente sira ne’ebé sofre moras.

Biban ne’e, Ministra Saúde, Odete Maria Freitas Belo, informa atividade treinamentu ne’e atu kapasita profisionál saúde, médiku sira, Infermeiru, ba responsavel sira ne’ebé mak tau matan ba iha programa HIV/SIDA no iha relasaun ho programa saúde mental.  Programa ida-ne’e ninia kontinuasaun husi atividade ne’ebé mak halo ona iha RAEOA iha loron 28 outubru kona-ba saúde mental nian.

“Ita koa’lia mós kona-ba moras ne’ebé mak foin lalais akontese liuliu pandemia ne’ebé to’o agora ita seidauk iha serteja, nia sei mai fali ka la’e, ida-ne’e sai hanesan impaktu bo’ot ba ita-nia saúde”, refere komunikadu ne’ebé TATOLI asesu, tersa ne’e.

Nune’e, Ministra Saúde apoia tebes inisiativa ne’e no fó apoiu ba Diresaun Jerál Prestasaun Saúde, médiku sira hotu, diretór kontrola moras nian, Xefe Departamentu sira hotu mak tau atensaun másimu ba programa ne’e.

Nune’e,  bele armoniza esforsu hodi integra tema inportante ida-ne’e iha programa prestasaun kuidadu saúde hotu, espesialmente liga ho atendementu ba pasiente sira-ne’ebé sofre moras krónika hanesan HIV/SIDA, Kankru, Diabetes, ba sira-ne’ebé fase raan, no defisiente sira-ne’ebé labele rona, labele ko’alia, ida-ne’e sai hanesan problema boot ba sira.

“Dalaruma ita ko’alia barak liu kona-ba saúde mental ne’ebé kroniku liu ona, ha’u lahatene sira-ne’ebé mak la’o hela iha Estrada ninin ne’e imi-nia ideia hanusa bele lori ema sira-ne’e halo tratamentu hodi nune’e hakmaan sira-nia familia”.

Jornalista : Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!