PN aprova OJE 2023 ba PGR ho PCIC iha espesialidade

DILI, 15 novembru 2022 (TATOLI)— Parlamentu Nasionál (PN), tersa ne’e, aprova ona Orsamentu Jerál Estadu (OJE) 2023 ba Prokuradória Jerál Repúblika (PGR,sigla Portugés) no Polísia Siéntifiku Investigasaun Kriminál (PCIC,sigla Portugés) iha faze espesialidade.
PN aprova PGR ho montante $5,474,10 ho vota afavór 42, kontra 1 no abtensaun 18. Enkuantu Orsamentu ba PCIC hamutuk $2,019,637 ho votu afavór 54, kontra laiha no abstensaun hitu.
Orsamentu Jerál Estadu (OJE) tinan 2023 ne’ebé prevee ba PGR ho montante Milliaun $5,475,170 ne’e aloka ba programa boa governasaun no jestaun institusionál $5,316,762 no finansia mós ba nia sub-programa sira hanesan jestaun institusionál no atividade sira hanesan jestaun finanseira no lojístika $3,929,046 no atividade aprovizionamentu no jestaun ba kontratu sira $760,650.
Enkuantu, orsamentu PCIC ho montante $2,019,637 ne’e aloka ba programa asesu ba justisa $1,685,439 ho nia sub- programa sira rekursu umanu, liuliu ba prestasaun serbisu $38,400 ho nia atividade jestaun rekursu umanu $38,400.
Sub- programa invetigasaun no prevensaun kriminál $1,647,039, investigasaun kriminál realizada satisfatoriamente $1,647,039 ho nia funsionáriu pikete no prevensaun kriminál $1,543,439, ho nia atividade opesaun serbisu intelénsia kriminál ka vijilánsia no segimentu $78,000.
Iha mós atividade relizasaun asaun sosialisaun no divulgasaun $10,000, atividade espresaun baze dadus INTERPOL iha fronteira, aero no rai $15,600.
Programa 510 kona-ba Boa governsaun no jestaun institusionál $334,198, programa planu estratéjiku inklui planu mediu prazu konstrui konfiansa governu $334,198. Sub- programa $11,769 ho nian atividade fiskalizasaun auditoria administratvu ezekutivu $100,000 atividade abordajen jenéru $5,000, atividade apoiu jurídiku asesór internasionál ne’ebé ezerse sira nian funsaun iha PCIC $6,669.
Sub-programa jestaun institusionál $ 222,429, atividade jestaun finanseiru,no administrasaun lojístika $222,429 ho nia sub-programa edifisiu públiku $100,000 ho nian atividade konstrusaun konkluida $ 00,000 no konstrusaun ba investigasaun kriminál foun $100,000.
Jornalista: Natalino Costa
Editór : Florencio Miranda Ximenes

