iklan

INTERNASIONÁL, DESPORTU, DILI, HEADLINE

SEJD husu joven sira akompaña Kopa Mundiál ho disiplina

SEJD husu joven sira akompaña Kopa Mundiál ho disiplina

Negosiante Bandeira, hala'o hela negosiu ba bandéira nasaun sira ne'ebé maka tuir kompetisaun kopa mundiál 2022 iha Qatar, iha estrada ibun Palasiu Governu, segunda (21/11). Imajen Tatoli/Francisco Sony

DILI, 21 novembru 2022 (TATOLI) – Sekretáriu Estadu Juventude no Desportu (SEJD), Abrão Saldanha, husu joven sira-ne’ebé asiste Kopa Mundiál tinan ida ne’e ho disiplina nune’e kontribui ba pás no estabilidade iha rai-laran.

“Husu ba maluk hotu ne’ebé asiste hela Kopa Mundiál tinan ida-ne’e, liuliu joven sira atu asiste ho didi’ak, labele kria konflitu. Sé-nia ekipa mak manán no lakon tenke simu ho fuan boot, labele halo konflitu tún sa’e, kuidadu imi-nia vida tanba nasaun ne’e presiza joven hotu nia kontribuisaun,” governante ne’e ko’alia iha Kampu Demokrasia, Dili, segunda ne’e.

Abrão Saldanha nota katak iha abertura Dili laran ema loke layar iha fatin fatin bele kria mós konflitu entre joven sira, maibé tenke kaer metin nafatin prinsípiu pás no estabiliudade iha idak-idak nia fuan.

Kopa Mundiál tinan ne’e Timor – Leste akompaña liuhosi ETO mak sai hanesan manán-na’in hodi halo transmisaun direita ba publiku hodi asesu jogu internasionál ne’e. Jogu ba kopa mundiál hala’o iha Qatar, hahú iha 21 novembru to’o 18 dezembru tinan ne’e.

Nasaun hamutuk 31 iha mundu mak sei partisipa iha kopa mundiál ne’e fahe ba grupu ualu hosi A-H. Grupu A komposta hosi Qatar, Ekuadór, Senegál, Olanda.

Grupu B mak Inglaterra, Iraun, Estadu Unida Amérika (EUA) no Wales. Grupu C mak hanesan Arjentina, Arábia Saudita, México no Polónia.

Grupu D mak hanesan, Fransa, Austrália, Dinamarka no Tunízia. Grupu E mak hanesan, España, Kosta Rika, Alemaña no Japaun.

Grupu F mak hanesan, Béljika, Kanada, Maroko no Kroásia. Grupu G mak hanesan, Brazil, Serbia, Suíça no Kamerun. Grupu H mak hanesan, Portugál, Ghana, Uruguai no Korea Súl.

Jornalista   : Hortencio Sanchez

Editór          : Evaristo Soares Martins

iklan
iklan

Leave a Reply

iklan
error: Content is protected !!