iklan

JUSTISA, HEADLINE

PDHJ no F-FDTL asina akordu kooperasaun ba formasaun direitu umanu

PDHJ no F-FDTL asina akordu kooperasaun ba formasaun direitu umanu

Provedora Direitu Umanu no Justisa, Jesuína Maria Ferreira Gomes asina nota entendementu ho Xefe Estadu Maiór Jenerál F-FDTL, Falur Rate Laek konaba treinamentu no formasaun ba ofisiais membru FFDTL iha area direitus umanu nia. Imajen Tatoli/Antonio Daciparu

DILI, 24 novembru 2022 (TATOLI)— Prevedória Diretu Umanu no Justisa (PDHJ), formaliza akordu kooperasaun  ho FALINTIL-Forsa Defeza Timor-Leste (F-FDTL),  hodi fó  formasaun ba membru F-FDTL  iha área direitu umanu no boa govermasaun.

Akordu kooperasaun ne’e, nu’udar akordu kontinuasaun ne’ebé maka  hala’o ona  PDHJ  ho instituisaun F-FDTL  liuhosi Ministériu Defeza  iha 2018 ho objetivu fó formasaun  ba membru F-FDTL.

Provedora Direitu Umanu no Justisa, Jesuína Maria Ferreira Gomes asina nota entendementu ho  Tenente Jenerál, Falur Rate Laek kona-ba treinamentu no formasaun ba ofisiais membru FFDTL iha area direitus umanu nia. Imajen Tatoli/Antonio Daciparu

“Ohin, ita formaliza akordu kooperasaun serbisu sira ne’e bé antes ne’e iha ona,  entre PDHJ no F-FDTL iha  área formasaun  nian, oinsá atu fó  formasaun ba ita nia membru F-FDTL sira atu hasa’e sira nia koñesimentu  ba kestaun prevensaun  violasaun direitu umanu no mós  ba governasaun di’ak”,  Prevedoria Diretu Humanu Justisa (PDHJ), Jesuína Maria Gomes ba jornalista sira hafoin asiana akordu kooprasaun  ho instituisaun F-FDTL  iha área formasaun ba membru F-FDTL ne’ebé hala’o iha Kuartél Jenerál F-FDTL, Fatuhada, kinta ne’e.

Dezde kooperasaun institusionál iha 2018 hatudu progresu di’ak tanba membru F-FDTL sira iha nia koñesimentu.

“Hafoin, membru sira tuir tiha formasaun iha 2018, númeru violasaun direitu umanu ne’ebé komete  husi F-FDTL hahú menus”, katak.

Asinatura akordu kooperasaun serbisu iha área formasaun violasaun direitu umanu no boa Governasaun ne’e ho durasaun ba tinan-haat.

Iha biban hanesan, Xefe Estadu Maiór Jenerál, FALINTIL–Forsa Defeza Timor-Leste (F-FDTL), Tenente Jenerál, Domingos Raul Falur Rate Laek hateten asina MoU atu fó formasaun prevensaun ba violasaun ba direitu umanu no noa governasaun.

“Formasaun ne’e atu kuda mentalidade no doutrina katak militár hatais farda tenke respeita direitu umanu hodi fó valór ba luta ne’ebé eroi no martire sira halo ba ukun rasik aan”,  nia afirma.

Tuir nia formasaun desde iha 2018 hatudu progresu tanba membru F-FDTL komete kazu violasaun direitu umanu nia númeru hahú ki’ik.

“Militár sira halo ona violasaun direitu umanu laiha ona no ema sivil maka baku fali-militár no sira fó sira nia aan de’it, ne’e hatudu militár hahú komprende ona doutrina direitu umanu”, katak.

Jornalista :Natalino Costa

Editór         : Florencio Miranda Ximenes

iklan
iklan

Leave a Reply

iklan
error: Content is protected !!