iklan

HEADLINE, SEGURANSA

PNTL sei halo operasaun fugete iha loja no kioske

PNTL sei halo operasaun fugete iha loja no kioske

Komandante Jerál PNTL, Komisáriu Faustino da Costa. Imajen TATOLI/Francisco Sony

DILI, 01 dezembru 2022 (TATOLI)— Polísia Nasionál Timor-Leste (PNTL), liuhosi Komandante Jerál, Komisáriu Polísia Faustino da Costa, fó ona orientasaun ba Komandu munisípiu sira no Rejiaun Administrativa Espesiál Oé-cusse no Ambeno (RAEOA), atu halo operasaun ba fugete ilegál sira ne’ebé faan iha loja no kioske sira.

Orientasaun ne’e, Komandu PNTL fó sai relasiona ho selebrasaun Natál iha 25 dezembru no tinan foun ho objetivu atu populasaun sira hakmatek.

“Orientasaun Komandu nian sai ona ba Komandu Munisipiu sira liuliu iha fronteira, loja no kióske ne’ebé faan sasan ilegál sira ne’e”, hateten Komisáriu Faustino da Costa, ba jornalista sira iha Caicoli, kinta ne’e.

Operasaun ne’e, nia dehan PNTL hala’o ona iha fulan kotuk iha kióske no loja sira, maibé deteta katak balun la konsege faan hotu mak kontinua faan fila-fali.

“Ita halo ona apreensaun no halo ona prosesu ba sira hodi prevene sasan ilegál tama mai Timor-Leste”, nia afirma.

Jornalista: Natalino Costa

Editór   : Florencio Miranda Ximenes

iklan
iklan

One Comment

  1. Sujestaun de’it. Fugete ilegál sira-ne’e tama husi fronteira rai-maran, tanba ne’e buka atu trava ne’e iha-ne’ebá, la’ós fali iha ona rai-laran maka foin atu halo fali operasaun hodi buka tuir. Servisu Nasionál intelijénsia nian ne’e tenke buka tuir ema sira-ne’ebé hatama sasán sira-ne’e. Bele-bele mós envolve ema balun ne’ebé servisu ba Estadu.

Leave a Reply

iklan
error: Content is protected !!