iklan

HEADLINE, SAÚDE

MS fó tratamentu médiku ba ema ho difisiénsia 100

MS fó tratamentu médiku ba ema ho difisiénsia 100

Ministériu Saúde (MS) fó tratamentu médiku ba ema ho difisiénsia na’in-100, hodi komemora loron mundiál ba ema ho difisiénsia ho tema “Nasionál sura ho ha’u ba inkluzaun difisiénsia iha Timor-Leste”. Imajen/ Felicidade Ximenes.

DILI,02 dezembru 2022 (TATOLI)— Ministériu Saúde (MS) liuhosi Profisionál Saúde fó tratamentu médiku ba ema ho difisiénsia na’in-100, hodi komemora loron mundiál  ba ema ho difisiénsia  ho tema “Nasionál  sura ho ha’u ba inkluzaun difisiénsia iha Timor-Leste”.

“Ita nia profisionál saúde sira halo konsulta jerál ba ema ho difisiénsia no fó mós vasinasaun COVID-19”, Diretór Ezekutivu Asosiasaun Difisiénsia Timor Leste (ADTL), Cesario da Silva hateten ba jornalista sira iha resintu Palásiu Presidensiál, Bairru-Pité, sesta ne’e.

Atividade konsulta jerál ne’e ho objetivu prinsipál mak lori besik konsulta direta ba ema ho difisiénsia hanesan problema iha tilun, matan no fíziku.

“Sentru saúde sira tenke iha ka tau ema lian jestur iha ne’ebá para bainhira ema ho problema tilun ka matan bele hetan atendimentu lalais”, nia afirma.

Iha fatin hanesan, Xefe Unidade Oftamologia Hospitál Nasionál Guido Valadares (HNGV), Virgílo da Costa Pinto hateten, konsulta jerál ne’e foku ba matan.

“Ami konsulta sira nia matan no identifika problema ruma ami fó kedas okulu ba sira no balun ami presiza refere ba HNGV atu kontinua halo tratamentu iha  ne’ebá tanba moras matan ne’e maioria sofre katarata”, nia afirma.

Jornalista : Felicidade Ximenes

Editór      : Florencio Miranda Ximenes

iklan
iklan

Leave a Reply

iklan
error: Content is protected !!