iklan

INTERNASIONÁL, DESPORTU, DILI, HEADLINE

SEJD atribui subsídiu rihun $12 ba atleta vensedór iha WSG Uni Emiradu Árabe

SEJD atribui subsídiu rihun $12 ba atleta vensedór iha WSG Uni Emiradu Árabe

Diretora Nasionál Desportu Alta Kompetisaun iha SEJD, Maria Luisa Monteiro, Imajen/Hortecio Sanchez

DILI, 02 dezembru 2022 (TATOLI)— Governu liuhosi Sekretáriu Estadu Juventude no Desportu (SEJD), sesta ne’e, foin halo atribuisaun subsídiu ho montante rihun $12 ba atleta ho kondisaun difisiente na’in-ualu ne’ebé sai vensedór bainhira ba partisipa World Summer Games (WSG) iha Uni Emirate Árabe, iha tinan 2019.

Diretora Nasionál Desportu Alta Kompetisaun iha SEJD, Maria Luisa Monteiro, esplika tuir loloos prémiu ka subsídiu ne’e atribui ona iha tinan sira liubá, maibé tanba problema oinoin iha Timor-Leste hanesan COVID-19 no seluk tan, nune’e ohin mak Governu foin atribui prémiu apresiasaun ba atleta hirak ne’e.

“Governu husu deskulpa tanba atribui prémiu ba sira tarde uitoan, maibé ami nafatin fó apresiasaun ba sira tanba hatudu prestasaun ne’ebé di’ak hodi hamorin Timor-Leste nia naran iha mundu”, dehan Diretora ne’e ba Agência TATOLI iha Dili, sesta ne’e.

Governu nafatin apoia atleta hirak ne’ebé hatudu ona prestasaun iha jogu internasionál sira liu hosi distribui prémiu hanesan osan mean, metan no mutin.

“Ita orgullu ba atleta ema ho difisiente sira ne’e tanba durante partisipa iha eventu internasionál sira sempre mai ho medalla osan mean no mutin, maski ita ho limitasaun ne’ebé barak, Governu nafatin tau atensaun no apoia sira”, nia kompromete.

Atletizmu na’in-neen mak hanesan Norberto da Cruz ne’ebé ba kompete iha kurida metru 100 no konsege hetan medalla osan mean, Oscar Alexandrino dos Santos kurida iha metro 200 hetan mós medalla osan mean ida, Amavel Costa Silva kurida metru 200-400 no hetan medalla osan mean rua, Felizarda Marcal da Costa kurida metru 800, hetan mó medalla osan mutin ida no Mateus Brito Guterres kurida iha metru 800, hetan medalla osan metan ida.

Enkuantu, modalidade Boxe ne’e reprezenta hosi atleta Lisandra Aurelia Sarmento konsege hetan medalla osan mutin ida no Basilio Dinis mós hetan medallla osan metan ida.

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!