iklan

DESPORTU, HEADLINE, MUNISÍPIU, OÉ-CUSSE (RAEOA)

Atleta Taekwondo 20 hosi RAEOA dezloka ba Kupaun Indonézia

Atleta Taekwondo 20 hosi RAEOA dezloka ba Kupaun Indonézia

Atleta Taekwondo 20 hosi RAEOA ohin dezloka ba Kupaun Indonézia. Imajen Tatoli/ Abílio Elo Nini.

OÉ-CUSSE, 04 dezembru 2022 (TATOLI) – Atleta na’in-20 hosi Asosiasaun Taekwondo iha Rejiaun Administrativa Espesiál Oé-Cusse (RAEOA), domingu ne’e dezloka ba sidade Kupaun, Nusa Tenggara Timur (NTT), Indonézia hodi partisipa iha kompetisaun iha eventu Kepala Kejaksaan Tinggi (KAJATI) ne’ebé sei realiza iha semana ne’e.

Atleta na’in-20 ne’e lidera hosi Koordenadór Asosiasaun Taekwondo Oé-Cusse, ne’ebé reprezenta hosi treinadór, José Francisco Efi, ne’ebé liuhosi fronteira Sakatu-Wini.

“Ohin ita lori sira ba atu tuir kompetisaun iha eventu KAJATI, ne’ebé horisehik ita halo ona despedida ho Autoridade RAEOA hodi hato’o lia-menon ba ita-nia altela sira, tanba ita ba reprezenta Oé-Cusse no Timor-Leste,” José Fransisco Efi, ko’alia iha fronteira Wini Indonézia.

Reprezentante Koordenadór Asosiasaun Taekwondo RAEOA ne’e, agradese Autoridade RAEOA no inan-aman sira, tanba liuhosi apoia no motivasaun hosi atleta na’in-20 reprezenta Estadu Timor-Leste, liuliu Oé-Cusse atubele partisipa iha eventu ne’e.

“Ami Asosiasaun Taekwondo RAEOA, hato’o agradese ba Autoridade RAEOA tanba desde uluk to’o ohin loron fasilita tebes ami, no ajuda ami hodi dudu ita-nia joven sira atu hatudu sira-nia talentu desportiva liuhosi eventu sira no mós promove beibeik ona iha nasaun viziñu sira, ida-ne’e orgullu mai ami, no atleta na’in-20 ne’ebé Asosiasaun hili liuhosi ezame no selesaun” nia orgullu.

Entretantu, kalendáriu atu ba kompetisaun ne’e sei hahú iha loron kinta, 08 dezembru semana ne’e, no iha loron 06 to’o 09 dezembru atleta sira sei halo tetu todan no mós idade.

Jornalista: Abílio Elo Nini
Editór: Evaristo Soares Martins

iklan
iklan

Leave a Reply

iklan
error: Content is protected !!