Komunidade iha suku Madohi na’in-5.888 hahú simu Cesta Bázika
DILI, 06 dezembru 2022 (TATOLI)— Governu liuhosi Ministériu Turizmu, Komérsiu no Indústria (MTKI), hahú distribui produtu Cesta Bázika ba komunidade 5.888 hosi aldeia tolu iha suku Madohi, postu administrativu Dom-Aleixo, munisipíu, Dili.
Tuir nota imprensa ne’ebé Agência Tatoli asesu katak distribuisaun produtu Cesta Bázika refere, MTKI kontrata empreza Morisson Unipessoal. Lda ho totál orsamentu 294,400.00.
Prosesu distribuisaun ne’e hala’o tanba komunidade iha direitu duni atu simu tuir lei ne’ebé konsagra ona iha dekretu lei númeru 10/2022, 04 marsu.
Aldeia tolu iha suku Madohi ne’ebé simu Cesta Bázika daruak ne’e mak hanesan aldeia Loro Matan ho benefisiáriu 1.124, aldeia BT Naroman ho benefisiáriu 2.027 no aldeia BT Rosario ho benefisiáriu 2.737.
Iha distribuisaun refere, komunidade balun ne’ebé iha semana ida ne’e seidauk hetan nia direitu autoridade lokál prosesu fali komunidade sei hetan sira-nia diretu iha semana oin.
Jornalista : Arminda Fonseca
Editór : Florencio Miranda Ximenes
