Top

PNTL sei submete karta ba MP halo leilaun ba motorizada 50-resin

Motor lubun ne’ebé Polísia Unidade Tránzitu halo apreensaun tanba viola lei tránzitu to’o agora na’in la ba reklama no barak ferrujen hotu ona. Tanba ne’e PGR koopera ho PNTL atu halo leilaun ba públiku. Imajen Tatoli/Eugénio Pereira

DILI, 13 dezembru 2022 (TATOLI)— Komandante Unidade Tránzitu Polisia Nasionál Timor-Leste (PNTL) Munisípiu Dili, Inspetór Polisia Domingos Gama, informa tempu badak, submete karta autorizasaun ba Ministériu Públiku atu halo prosesu leilaun ba motorizada 50-resin ne’ebé abandonadu.

“Ha’u mai iha motorizada barak mak estasiona ona iha ne’e tinan barak ona, kompostu hosi transporte ne’ebé envolve direta iha asidente tráfegu no infrasaun sira ne’ebé na’in ba transporte la mai foti no konsidera abandonadu ona”, dehan nia ba jornalista sira iha knar fatin,Caicoli, tersa ne’e.

Iha tinan hirak  ba Ministériu Públiku no Tribunál konsege aprova pedidu leilaun nian ba transporte 170-resin no daudaun ne’e halo ona koordenasaun ho MP no Tribunál kuandu aseita lori lista ho evidénsia sira ne’e ba Patrimoniu Estadu atu halo leilaun.

Tuir lei kódigu estrada númeru 6/2003, iha artigu 172 fó dalan ba PNTL atu husu autorizasaun ba parte judisiáriu, nune’e PNTL koordena ho Jestaun Patrimóniu Estadu iha Ministériu Finansa halo leilaun ba evidénsia sira ne’ebé polisia halo apreensaun iha  loron 90 nia laran kuandu nain la  mai foti.

“Kuandu prosesu liu ona prazu mak sira mai reklama fali ne’e ba husu iha patrimoniu Estadu”, nia akresenta.

Jornalista: Natalino Costa

Editór     : Florencio Miranda Ximenes

Publisidade

Leave a Reply

Latest Post

error: Content is protected !!