iklan

DILI, POLÍTIKA

Xefe família 250-resin iha Caicoli seidauk simu subsídiu $200

Xefe família 250-resin iha Caicoli seidauk simu subsídiu $200

Osan Dólar Amérika. Imajen/Espesiál

DILI, 15 dezembru 2022 (TATOLI)—Xefe Suku Caicoli, Postu Administrativu Na’in Feto, Munisípiu Dili, Hipólito Ximenes Marques, hateten subsídiu fim do ano $200 ba uma kain ne’e, xefe família 250-resin mak seidauk simu.

“Aldeia um iha ema 40-resin mak seidauk selu, aldeia dois, três no quatro iha 45, aldeia cinco mak 75. Maibé sira-ne’e sei iha tempu hodi bele mai simu sira-nia direitu tanba ita suku Caicoli sei taka iha loron 20 dezembru,” Xefe suku ne’e hatetem ba Agência Tatoli, iha sede suku Caicoli, kinta ne’e.

Tanba ne’e, nia husu ba família ne’ebé mak seidauk simu atu bele mai iha sede suku ho dokumentu komprovativu sira, hodi nune’e bele simu sira-nia direitu ne’e.

Nia informa, totál xefe família hamutuk 1.161 no hosi ne’e iha 999 mak tama lista permanente no temporária hamutuk 162.

“Ha’u hakarak atu dehan maluk sira ho fixa temporária ne’e tanba momentu pandemia COVID-19 no inundasaun akontese, entaun fasilita hodi halo fixa família nune’e sira hetan subsídiu hosi Governu, maibé laiha COVID-19 ona, entaun barak mak fila fali ba sira-nia moris fatin entaun ita mós presiza haree hotu sira-ne’e,” nia esplika.

Jornalista : Osoria Marques

Editór      : Cancio Ximenes

iklan
iklan

Leave a Reply

iklan
error: Content is protected !!