Durante Natál, HNGV rejista pasiente kauza asidente tráfegu 50
DILI,28 dezembru 2022 (TATOLI)— Xefe Departementu Emerjénsia iha Hospitál Nasionál Guido Valadares (HNGV), Eldegar Martins, informa durante Natál, rejista pasiente na’in-50 ne’ebé kauza hosi asidente tráfegu.
“Ita rejista pasiente kauza asidente tréfegu na’in-50, husi númeru ne’e mane 25 no feto 25”, Xefe Departamentu Ermerjénsia ne’e hateten iha HNGV-Bidau, kuarta ne’e.
Nia afirma iha loron boot ne’e médiku sira sala emerjénsia atende kazu violénsia na’in-rua hanesan ida hetan taa no ida seluk hetan sona.
Resposavél ne’e afirma iha loron ne’e mós pasiente ne’ebé mak mai halo triajem iha emerjénsia na’in-147, husi númeru ne’e maternidade 17 no baixa iha salan medisina interna 10, Baixa ba sirurgia na’in-haat, pediátria ualu, halo observasaun iha emerjénsia 45 no pasiente ne’ebé mak mai vizita ho kategoria di’ak na’in-106 no na’in ida husu pedidu alta ka fila ba uma.
“Ita nia fatin emerjénsia ne’ebé ema vizita ne’e ho kategoria moras ladun grave mak mai barak”, katak.
Jornalista : Felicidade Ximenes
Editór: Florencio Miranda Ximenes
