iklan

EKONOMIA, HEADLINE

Uma-kain 285.825 iha territóriu hetan ona pagamentu subsídiu $200

Uma-kain 285.825 iha territóriu hetan ona pagamentu subsídiu $200

Governu atribui subsídiu fim do ano $200 ba komunidade iha Dili, tersa (06/12) Imajen Tatoli/António Daciparu

DILI, 28 dezembru 2022—Uma-kain hamutuk 285.825 iha territóriu nasionál hosi lista benefisiáriu uma-kain 339.954, kompostu hosi nasionál 318.570 no Rejiaun Administrativa Espesiál Oé-cusse Ambeno (RAEOA) 21.384 hetan ona pagamentu  subsísiu fim do ano 2022 ho montante $200 ba kada uma kain, to’o 26 dezembru 2022.

“Totál pagamentu ba uma-kain 285.825 ho montante $57.165.000, hosi totál aprovadu $67.990.800, kompostu hosi nasionál $63.714.000 no RAEOA $4.276.800,” refere nota ne’ebé Agência Tatoli asesu, kuarta ne’e.

Notísia relevante: Governu hahú atribui subsídiu fim do ano $200 ba komunidade iha Dili

Subsídiu fim do ano 2022 hahú lansamentu iha suku Comoro, postu administrativu Dom Aleixo no suku Camea, postu administrativu Cristo Rei, munisípiu Dili, iha loron 06 dezembru 2022.

Pagamentu iha Aileu ba uma-kain 12.724, Ainaro 16.319, Ataúro 2.699, Baucau 33.5621, Bobonaro, 28.495, Covalima 19.102, Dili 51.116, Ermera 24.611, Lautém 17.249, Liquiçá 19.234, Manatuto 13.404, Manufahi 14.619, RAEOA 10.339, no Viqueque 22.353.

Benefisiáriu ba programa ne’e maka agregadu família sira ne’ebé rejistu ona to’o loron 28 fevereiru 2022 iha livru rejistu uma-kain, ne’ebé daudaun ne’e iha territóriu nasionál no laiha elementu ida mak simu rendimentu fulan ho forma regulár hosi servisu instituisaun públika ka entidade privada, rendimentu emprezariál, rendimentu prediál ka rendimentu sira ne’ebé hetan hosi prestasaun sosiál liuhosi rejime kontributivu, la kontributivu, ka espesiál, ne’ebé ninia valór a’as liu $500.

Jornalista   : Arminda Fonseca

Editora       : Julia Chatarina

iklan
iklan

Leave a Reply

iklan
error: Content is protected !!